Hopp til innhold

Ovddeš suohkandirektevra háliida šaddat teáhterhoavdan

Beaivváš Sámi Našunálateáhter lea ožžon gávcci ohcci teáhterhoavdda virgái.

1. Borna Armanini (45), Oslo, prošeaktajođiheaddji

2. Gunnar Innvær (50), Bergen, čuovgahábmjeaddji

3. Kim-Runar Klodiussen (29), Sážžá, lávdedáiddár ja neavttár

4. Kent Valio (50), Guovdageaidnu, suohkandirektevra

5. Cecilia Persson (58), Grane, Prošeaktajođiheaddji

6. Susanne Andreasen (45), Nuuk Ruonáeatnamis, teáhterhoavda

7. Ari-Pekka Lahti (47), Espoo Suomas, dramaturga

8. Čiegus ohcci (dievdu, 58)

Stivrajođiheaddji Maria Utsi lea hui duđavaš ohcciiguin.

– Mis leat buori ohccit. Dain lea gealbu mii vurdo.

– Man stuora deattu bidjabehtet ahte galgá sápmelaš teáhterhoavdan?

– Dat gal deattuhuvvo, dasa lassin vel sámegiella hálddašeapmi. Muhto dat ii leat gáibádus, dadjá Utsi ja čujuha almmuhustekstii.

Guovdageainnu ovddeš suohkandirektevra Kent Valio lea okta ohcciin.

– Manin leat ohcan teáhterhoavdan?

– Mus lea guhkes hárjáneapmi bajimuš dási jođiheames ja máhtan teáhtera bargogiela eatnigiela dásis.

Valio dadjá ahte teáhter gullá daid ásahusaid searvái maiguin sámit vedjet leat eanemus rámis.

– Livčče somá sihke leat oasálaš dan buori barggus maid juo dahket, muhto maid ovddidit teáhtera stivrra dáhtu mielde.

Valios ii leat teáhterduogáš, muhto lea guhka medias bargan.

– Jáhkán álo dákkár virggiin fertet árvvoštallat maid lea deháleamos máhttit. Jođiheami dahje daid geavatlaš bargguid, maid goitge ii galgga ieš bargat ja man deaŧalaš lea ipmirdit bargosaji bargo- ja buvttagiela.

Utsi muitala ahte eai leat vuos leamaš bargojearahallamat, muhto dat álget ovdalaš beassážiid.

Beaivváš Sámi Našunálateáhter bušeahtta lea 26,5 milijovnna. 2021:s ledje 20 bargi, sis ledje guhttanuppelogis fásta. Borgemánus boahtte jagi fárrejit ođđa vistái Guovdageainnus.

Kent Valio
Foto: Malene Gaino Buljo / NRK

Korte nyheter

  • Bistevaš gulahalli TILas

    Diibmá lei Sigbjørn Skåden vuosttaš geardde gulahalli dahje speaker sámegillii ruovttučiekčamis ja dán jagi galgga son maid gullot bistevaš sámegielat gulahallin Romssa Arenas:

  • Lágidit beassášdoaluid Sirpmás

    Sirpmá gilisearvi lágida vuosttas háve beassášdoaluid Sirpmá giliviesus lávvardagas gitta boahtte duorastahkii. Doaluid gohčodit sii Gákšu filbma- ja dáiddafestiválan. Okta lágideaddjin Tormod Varsi muitala, ahte olbmot leat váillahan sin guvlui beassášdoaluid.

    Guldal olles jearahallama:

  • Evakuerer flere steder i Troms

    Politimesteren i Troms har besluttet å evakuere innbyggere i deler av områder på Breivikeidet, i Oldervik og på Vasstrand i Troms, opplyser politiet i en pressemelding.

    Evakueringen skjer på grunn av økende snøskredfare, og gjelder i alt 13 boenheter.

    I pressemeldingen opplyser politiet at de tror evakueringen vil stå seg de kommede 48 timene, på grunn av værprognosene.