NRK Meny
Normal

Ovddeš parlameantajođiheaddji lihcohallan

Kalaallit Nunaata ovddeš parlameantajođiheaddji Aleqa Hammond lea lihcohallan iežas bellodagas Siumut, go su lahttuvuohta lea vahágin bellodaga luohttámuššii.

Aleqa Hammond på talerstolen på Arctic Frontiers

Aleqa Hammond koartageavaheapmi dagahii su eret bellodagas

Foto: Roger Manndal / NRK

Nu duođašta Siumut bellodaga ovdaolmmoš Kim Kielsen Kalaallit Nunaata Radioai .

Hammonda lihcohallan ii leat čadnon ruhtasupmi sturrodahkii, masa Hammond lea lobiheamet geavahan parlameantta koartta máksit iežas priváhta goluid, muhto baicca dat go ii leat vuosttaš gearddi son dagaha iežas dohkkemeahttun ekonomalaš disposišuvnnaide, čilge Kielsen preassadieđáhusastis.

Hammond joatká parlameantta lahttun, bellodatgullevašvuođa haga.

Golggotmánu 2014:s šattai Hammond geassádit stáhtaministtarin ja bellodatjođiheaddjin, go lei maiddái geavahan parlameantta koartta priváhta goluid máksit.