Ovdáneapmi rievddai maŋosmannamin
Válgadirektoráhta moivii boares ja ođđa gielddaid dáfus sámegiggeválggaid oktavuođas. Danne Norgga Sámiid Riikkasearvvi válgaboađus čájehii, ahte bellodat livččii mannan maŋos čiežain prosenttain vaikko lei baicce ovdánan. Dál lea direktoráhta bargamin dainna áššin. -Dábálaččat váikkuha gielddaid- ja guovlluidnupppástus loguide ja de šaddá nu ahte muhtun háviid ii leat vejolaš oppanassiige buohtastahttit ovddeš dieđuiguin, dadjá Válgadirektoráhta Bård Solvik NRK:i. Dát moivi guoská erenomážit Nordlándda fylkkii. Solvik deattuha, ahte buot bellodagaid jienastuslogut leat riekta sihke 2017 ja 2021 válggain. NSR presideantaevttohas Silje Karine Muotka dadjá sin dovdan iežaset vuoitin, vaikko Válgadirektoráhta ja media muitaledje eará.