NRK Meny
Normal

Riddu Riđđu 17. geardde

Vuosttaš guossit leat jo joavdan riepmobáikái Olmmáivággái. Otne eahkedis rahppoge dán jagi Riddu Riđđu almmolaččat.

Riddu Riđu riemostallit leat jo coahkkanišgoahtán riepmobáikái.

Riddu Riđu riemostallit leat jo coahkkanišgoahtán riepmobáikái.

Foto: Klemet Anders Sara / NRK

Máilmmedovddus Angelique Kidjo lea váldogeasuheaddji dán jagi riemuin. Dasa lassin guoimmuhit ártisttat nugo Inga Juuso, Cyaneed, The Jones Benally Family, Áilloš ja Herborg Rundberg Riddu Riđus.

Kulturministtar rahpá riemuid

Trond Giske

Kulturministtar Trond Giske.

Foto: Malin Kjeldstadli Korsnes / NRK

Otne eahkedis rahpá kulturministtar Trond Giske riemuid almmolaččat. Olles Gáivuona álbmot lea bovdejuvvon rahpamii.

Kulturministtar ii leat goassige ovdal leamaš Riddu Riđus ja danne leige lágideaddjiid mielas rivttes áigi dál son bovdet Gáivutnii.

- Riemuide lea stuorra gudni go kulturministtar boahtá. Dát lea dan muttos stuorra dáhpáhus, ahte min dán háliidivččiimet juogadit buot ássiin gielddas. Nu lohká festiválajođiheaddji Ragnhild Dalheim Eriksen Riddu Riđu neahttasiidui.

Riddu Riđu bargit leat olles leavttuin ráhkkaneamen váldit vuostá gussiid.

Riddu Riđu bargit leat olles leavttuin ráhkkaneamen váldit vuostá gussiid.

Foto: Klemet Anders Sara / NRK

Buohkat bovdejuvvon

Riddu Riđđu lea sádden bovdehusaid buot dállodoaluide Gáivuonas, ja lágideaddjit doivot ahte ollugat geavahivčče liibba nuvttá beassat 17. Riddu Riđu rahpamii.

Riddu Riđđu lea áidna gaskariikkalaš dán lágán eamiálbmotfestivála Eurohpás ja lea mearkkašan olu mearrasámi iešdovdui das rájes go ásahuvvui jagis 1991.

Riemuid 17 jagi historjjás ii leat almmatge oktage ráđđehuslahttu galledan riemuid. Danne leat stuorra vuordámušat kulturministara gallestallamii. Erenoamážit go Riddu Riđđu lea ohcan oažžut nugohčoduvvon "knutepunktstatus". Dát mearkkašivččii, ahte riemut dalle šattašedje bissovaš poastan stáhtabušeahtas.

Juoigi Inga Juuso návddašeamen dilis Olmmáivákkis.

Juoigi Inga Juuso návddašeamen dilis Olmmáivákkis.

Foto: Klemet Anders Sara / NRK
Riddu Riđđu geasuha olu nuoraid.

Riddu Riđđu geasuha olu nuoraid.

Foto: Klemet Anders Sara / NRK

Loga maiddái:

Vásiha feara maid

Dán geasi riemut