NRK Meny
Normal

Oslo sámi viesu soitet fárrehit ođđa lanjaide

Oslo sámi viesu stivra lea plánegoahtán ođasmahttit dálá viesu sisdoalu, ja árvvoštallat fárrehit Oslo Sámi viesu earái báikái Oslo gávpogis.

Inngangspartiet til Samisk hus i Oslo.

Dáid lanjain dálluda Oslo sámi viessu Oslos, muhto dál leat árvvoštallagoahtán sirdi eará báikái.

Foto: Mette Ballovara / NRK

Dán bargui ohcá dál Oslo Sámi Viesu stivra sierra prošeaktajođiheaddji, muitala Sámi viesu stivrajođiheaddji, Per Olav Nymo.

Sámi viessu lea doaibman dain lanjain gos dál lea, Trondheimsveien nammasaš báikkis Grünerløkkas Oslos, jagi 2013 juovlamánu rájes. Lanjat leat gáržžit, seammás go viesus váilu gievkkan gos sáhtáše málestit doaluid oktavuođas.

Per Nymo

Oslo Sámi Viesu stivrajođiheaddji, Per Olav Nymo.

Foto: Mette Ballovara / NRK

Dál lea áigi láddan ovddasguvlui geahččat ja bidjat ođđa áigumušaid iežamet doibmii. Danin leat mii ásahan dása sierra prošeavtta, ja dan bargui mii lea dál ovddabealde, mii dárbbašit operatiiva prošeaktajođiheaddji, dadjá Oslo sámi viesu stivrajođiheaddji, Per Olav Nymo.

Hábmet viesu boahttevaš áigumušaid

Operatiiva prošeaktajođiheaddji galgá maiddái hábmet Sámi viesu áigumušaid ovddasguvlui seammás go maiddái galgá gárvet boahttevaš ruhtadanohcamušaid.