Opmodatvearru boazodollui
Máŋga suohkana árvvoštallet ásahit opmodatvearu boazodoallui, muhto áigot álggos oaidnit makkár vasáhusat Porsáŋggus leat go áigot ásahit dakkár vearu borgemánus. Dan lohká ráđđeolmmái Gunnar Lillebo NRK Finnmárkui. - Sáhttá šaddat nu ahte gieldit olbmuid geavaheamis boazodoalu priváhta luottaid jus Porsáŋggu gielda ásaha dakkár vearu, lohká Per Jon Anti NBR;as. Sus lea geasseorohat dán guovllus ja su mielas ii leat vuoiggalaš go sidjiide biddjo dakkár vearru nu guhká go boanddat eai dárbbaš máksit ealáhusvisttiid ovddas.