ON bivddii bissehit Fovsen huksema

Golbma jagi áigu bivddii ON Norgga bissehit bieggafápmu huksemiid Jorpetjahkes Fovsenis, muhto politihkkarat válljejedje joatkit huksemiin. Ášši lea ain ON beavddis.

– Maid ráđđehus ja huksejeaddjit dál barget bieggafápmorusttegiin várra mearrida maid ON dahká viidáset, dadjá Norgga árktalaš universitehta professor Mattias Åhren.

Korte nyheter

  • Giđahallet Sámedikki 2022 bušeahta

    Sámedikki dievasčoahkkin joatkašuvvá odne Álttás. Otná stuorra ášši lea Sámedikki 2022 bušeahtta. Eará áššit leat Sámedikki jahkásaš ášši guolástuspolitihka birra 2021, Interreg sámi dimenšuvnna hálddašeapmi ja čuovvoleapmi ja Rievdadusat Sámelága 3.kapihttalis.

    Sámediggi - Sametinget i Alta
    Foto: Dan Robert Larsen / NRK
  • Duođalaš dearvvašvuođadilli

    – Lea oalle duođalaš dilli go dearvvašvuođabálvalusat suohkanin ávžžuhit olbmuid vuordit váldimis oktavuođa singuin, go suohkanin lea nu mearehis olu bargu. Nu lohká Romssa ja Finnmárkku stáhtahálddašeaddji Elisabeth Vik Aspaker. Ikte bođii ovdan ahte Sážžá suohkanis gohččot olbmuid vuordit váldimis oktavuođa doaktáriin, jus dat lea vejolaš. Sivvan dán ávžžuhussii leago suohkan geavaha resurssaid giehtahuššat koronapandemiija, ja dát duođašta duođalašvuođa dilis, lohká Aspaker.

    Tomt legekontor
    Foto: Cathrine Oftedahl / NRK
  • Eai beasa dutkat boares njihtama

    Politiijat eai leat nagodan gávnnahit ahte leat go Deanu gielddas leamašan ruhtanjihtamat ovdal jagi 2011. Sivvan dasa lea go kontočáláhusat mat leat boarráset go logi jagi, leat sihkkojuvvon. Dan duođašta politiijainspektevra Richard Røed. Dutkamis leat fuobmán ahte jáhkkimis ovddeš bargi lea njihtan bargoaddi 20 miljovnna ruvnno ovddas.

    Tana rådhus
    Foto: Erik Andreassen / NRK