Min guldaleaddjit dáhttot gullat varraseamos ođđasiid ja áigeguovdilis áššiid sihke iđđedis ja veaigin. Danne mii nuppástuhttit.
Mis leat maŋŋel gaskabeaivvi leamaš iešguđetlágan prográmmat. Mii leat oaidnán ahte min guldaleddjiide sáhttá šaddat oalle hástalus diehtit ja muitit goas mii prográmmaid sáddejuvvo, ja dat dáidá addit eahpečielgagova sáddagiid dáfus. Dál eai galgga min guldaleddjiid dárbbašit eahpidit mii gullo go rahpet rádio. Iđit- ja veaigesáddagiin gullet ođđasiid ja áigeguovdilis áššiid ja maiddái ođđaseamos sámi musihka.
Mii geavvá? Mo rievdá radiofálaldat?
NRK Sápmi rievdada rádiosáddagiid. Ná sáddegoahtit 10.10.16 rájes:
Dii: 14.00-17.30 Maŋŋelgaskabeaisátta ođđasiiguin ja áigeguovdilis áššiiguin
Dát sáddagat jávket: Árdna, Rádiosiida, Sáhka váibmosis, Ávvudanboddu; Disdatmágasiidna, Duorastatmagasiidna, guoimmuhansátta bearjadagaid.
Sierra kultur-, digaštallan ja áigeguovdilisprográmmaid sadjái de gullogohtet dát dábálaš sáddagiin.
Rádioođasmahttima vuosttaš ceahkki geavvá golggotmánu 10. beaivvi. Nubbi ceahkki geavvá golggotmánu 31. beaivvi 2016. Dalle ođasmahttit iđitsáddaga "Buorre iđit Sápmi" rievdá. Davviriikkalaš iđitsátta (Sveriges radio, Yle ja NRK sátta) mii čohkke stuorra oasi Sámis.
Goalmmát ceahkki geavvá juovlamánus 2016. Dalle rivdet:
- Julev- ja máttasámi sáddagat rivdet.Dál sáddejuvvojit beaivválaččat oanehis rádioođđasat ja 2 x 15 min. vahkkosaš rádiomagasiidna.Fálaldaga leat ođasmahttimin.Sáddenáigi ja guhkkodat rievdá.
- Beaivesátta (dii. 12.00-14.00) rievdá kultur- ja guoimmuhansáttan. Dáppe dál, Åarjel faaroe, Julevmágasiijnna, Árdna –prográmmat nohket.
Njealját ceahkki geavvá dálvet 2017: Eahketsáddagat álggahuvvojit ja vahkkoloahppafálaldat rievdá.
Dárogiel kultursátta, Árdna, gullo ain P2:žis. Muhto P1:žis dat jávká juovlamánu rájes.
Manne mii ođasmahttit?
NRK Sápmi ođasmahttá rádiofálaldaga ja heiveha dan ođđa áiggi dárbbuide. Álggos rievdá veaigesátta dii. 14.00 rájes gitta 17.30 rádjai.
Min guldaleaddjit dáhttot gullat ođđaseamos ođđasiid ja áigeguovdilis áššiid sihke iđđedis ja veaigin. Danne mii nuppástuhttit.
Dál leat mis maŋŋel gaskabeaivvi iešguđetlágan prográmmat. Mii leat oaidnán ahte min guldaleddjiide sáhttá šaddat oalli hástalus diehtit ja muitit goas mii prográmmaid sáddejuvvo ja dat dáidá addit dakkár eahpečielgagova sáddagiid dáfus. Dál eai galgga min guldaleddjiid dárbbašit eahpidit mii gullo go rahpet rádio. Iđit- ja veaigesáddagiin gullet ođđasiid ja áigeguovdilis áššiid ja maiddái ođđaseamos sámi musihka.
Leago dá juoga mii guoská DAB:i?
Juo. Go teknologiija molsojuvvo, de šaddá NRK Sápmi riikaviidosaš rádiokanálan. Eat mii dárbbaš heivehallat iežamet sáddagiid P2:ža sáddagiid mielde.
NRK Sámi radiofálaldat galggašii leat dat radio maid sápmelaččat vuosttamužžan guldalit. DAB ja digitaliseren buktá sihke vejolašvuođaid ja hástalusaid. Dat lea dahkan vejolažžan asahit sierra sámi rádiokánala. Seammás šaddá garrasat gilvu publika ektui. Go DAB:s šaddet 25 riikkaviidosaš kánala – otne leat vihtta.
NRK lea dehálaš sámi kultuvrra ja gielaid nannejeaddjin ja ovdánahttin. Ja dál go lea sierra sámi riikkaviidosaš rádiokánala, de lea dat historjjálaš.
Mo lea NRK Sámi radiofálaldat 10.10 rájes:
Dii. 07.00-14.00 Bissot nu go otne:
Dii. 0700-0900 Buorre iđit Sápmi – sámi iđitsátta mas ođđasat ja dieđut ođasmahttojit čađat.
Dii. 0900-1200 Sámi musihkka
Dii. 12.00 Beaiveálgu, oanehis ođđasat davvi-, julev, ja máttasámegillii.
Dii. 12.13 Julevmagasijnna (vuossárggaid ja gaskavahkuid), Åarjel faaroe (maŋŋebárggaid ja duorastagaid), Árdna – sámi kulturmagasiidna dárogillii (bearjadagaid)
Dii. 12.30 Dáppe dál.
Dii 14.00-17.30 Veaigesátta – ođđasat, digaštallan ja čiekŋudeapmi. Prográmmat Ávvudanboddu, Rádiosiida, Sáhka váibmosis, Disdatmagasiidna ja Duorastatmagasiidna heaittihuvvojit.
Stuorruge vai unnugo sámi musihkkafálaldat?
Mii gal dáhtošeimmet čuojahit nu olu sámi musihka go vejolaš, ja dat mearkkaša ođđasat sámi musihka, maidda rávesolbmot ja moattelotjahkásaččat liikojit. Midjiide šaddá hástalussan dat go sámi musihkkamáilbmi ii leat nu stuoris ja viiddis go livččiimet sávvan. Rádionuppástuhttimis mii maid ođasmahttit musihkkagova. Dál čuojahat dušše sámi musihka iđđedis, ja dat dahká 55 proseantta maŋŋel gaskkabeaivvi musihkkafálaldagas. Mii áigut dahkat vuđolaš guorahallama ovdalgo mearridat man stuorra oassi sámi musihkkii biddjo. Dat rievdá dalle go diehtit maid sámi guldaleaddjit vurdet ja dáhttot gullat rádios, maiddái sámi musihka dáfus.