NRK Sápmi akte jïjtse goevtese Norsk rikskringkastingesne (NRK). NRK Sápmin åvtehke lea ryöktesth generaaledirektöören/kringkastingen åvtehken nuelesne, jïh dïedtem åtna gaajhki saemien saadtegi åvteste mejtie NRK Sápmi dorje.
Goevtesh
NRK Sápmin göökte programmegoevtesh, akte vierhtiegoevtese jïh akte reeremegoevtese. Dah programmeredaksjovnh leah jienebemeedijale, jïh goevteseåvtehkh dejtie stuvrieh.
Stuvreme
NRK Sápmin stuvremisnie NRK Sápmin åvtehke, saernieredaktööre, programmeredaktööre, vierhtieåvtehke jïh reeremeåvtehke.
Meatanbarkijh
NRK Sápmi medtie 93 meatanbarkijh åtna (tjaktjen 2015). Dah jeanatjommesh dejstie leah journalisth jallh guvvievaeltijh, jïh åejvieredaksjovnesne Karasjohkesne berkieh.
Gietskies kontovrh
NRK Sápmin leah gaektsie gietskies kontovrh. Dah leah daesnie; Deatnu, Guovdageaidnu, Tromsø, Harstad, Divtasvuodna, Snåase jïh Oslo. Gaajhkh gietskies kontovrh aktem jallh jienebh journalisth utnieh.
Saadtegh (2015)
NRK Sápmi 280 tæjmoeh TV seedtie, 1730 tæjmoeh raadijove jïh 6500 tæjmoeh digitaaleraadijove (DAB) jïh nedteraadijove fïerhten jaepien. Lissine dorjemasse nedtesne båata.