NRK Meny
Normal

Olu leahttu ja garra dáhpáhusat

Mannan bearjadaga čájehuvvui vuohččan "Birkebeinerne"-filbma kinoin oba Norggas. Sihke geahččit ja filbmadahkki leat duhtavaččat.

Birkebeinerne, Jakob Oftebro

Birkebeinerne-filbma čájehuvvui vuohččan manna bearjadaga. Filbmadahkki ja geahččit duhtavaččat filmmain.

Foto: Paradox

Colluseum-kino oaivegávpogis lei spagga dievva go Nils Gaup filbma "Birkebeinerne" čájehuvvui bearjadateahkeda. Maiddái eará kinoin Norggas čájehuvvui filbma.

Filbmadahkki duhtavaš

Nils Gaup holder oppe anmeldelse av Birkebeinerne

Filbmadahkki Nils Gaup duhtavaš filbma almmuheamis.

Foto: Johannes E. Kalvemo / NRK

Birkebeinerne filbmadahki, Nils Gaup, gii čuovui filmma Colluseum kinos oaivegávpogis lei duhtavaš ja su mielas orro olbmot liikomin dasa maid oidne. Gaup lei filbmadahkki maid Ofelaš-filmmas fargga 30 jagi áigi, ja dat movttiidahtii su ráhkadit eanet filmmaid.

Buorre leahttu ja olu garra dáhpáhusat

Sámi Ofelaš-filmmá váldoneavttár Mikkel Gaup mielas lei filbma buorre, das ledje garra

Mikkel Gaup

Ofelaš-filmma váldoneavttár, Mikkel Gaup lei maid geahččamin Birkebeinerne-filmma. Su mielas lea filbmadahkki ja neavttárat lihkostuvvan dáinna ođđa filmmain.

Foto: Sergey Gavrilov / WITBC/NRK

dáhpáhusat ja olu leahttu. Gaup rámpo Birkebeinerne-filmma filbmadahkki ja neavttáriid.

Mo du mielas lea filbma Ofelaš-filmma ektui?

– Na, olu duottar gal lei ja čuđit eai gal lean, muhto olbmot, geat ledje Håkon Håkonsen maŋis. Doppe ii lean eallu muhto heasttat. Muhtun láhkái lei seamma lágan muitalus, muhto dattetge ii seamma.

Jurddašit go Ofelaš-filmma go oidnet dán filmma?

– Aa, Ofelašfilbma gal lea dahkkon nu áigá. Lea buorre go Niillas muitala dákkár historjja dáččaid birra. Jáhkán dát filbma lea buorre skuvlamánáide maiddái historjjá dáfus.

Neavttárin olu hástalusat

Jakob Oftebro

Váldoneavttár Jakob Oftebro mielas ledje olu hástalusat filbmaráhkadeamis, muhto dán ferte gierdat go galgá leat Birkebeinerin.

Foto: Johannes Kalvemo / NRK-Sápmi

Ovtta váldoneavttára Jakob Oftebro mielas ledje olu hástalusat filmma ráhkadettiin, nugo doarrumat ja galbma dálkkit. Dán ferte gierdat go galgá leat Birkebeinerin filmmas, dasa lassin lea sus sámi duogáš maid, muitala Oftebro.

Nuppi váldoneavttára Kristoffer Hivju mielas lei váttis bissut sabehiid nalde čierastettiin, dasa lassin lei erenoamaš gádjut 11-mánnosaš máná. Dál jáhkká Hivju ahte olbmot ohppet eambbo go Birkebeineriid birra go dušše Birkebeiner-čuoigamiid ja sihkkelastin- gilvvuid go oidnet dán filmma, ja ahte beroštupmi lassána.

Gula Nils Gaup, Jakob Oftebro ja Kristoffer Hivju:

Gula Ofelaš-filmma váldoneavttára Mikkel Gaup: