Olu beatnagat buohccán

Álttá šibitdoavttir, Lena Iversen Kaasen ii ávžžut beanaeaiggádii váldit beatnaga mielde duoddarii dál go leat leamašan bahkat. Báhkaid dihtii leat laskan muohkirat ja eará divrrit nu olu ahte beana sáhttá buohccát. Alta Dyreklinihkas leat leamašan njeallje beatnaga divššus ovtta vahkkus dán dihtii, ja dábálaččat leat guokte beatnaga jahkái divššus divreborahagaid geažil.