Girjelávgumin dat gohčodii girjerádjosa hoavda Ann-Britt Svane dán deaivvadeami, ja son deattuhii ahte dát lei ovttasbargu Porsáŋggu Sámi giellaguovddážiin. Son dovddahii juo doaluid álggahettiin ahte lei hirbmástuvvan go nu ollugat ledje boahtán gullat "Sterke krefter" girjjis.
Son lea maid čállán eará girjjiid
Girječálli Ingjerd Tjelle ja girjelávgu Torill Olsen ovdalaš go álggiiga muitalit girjjis
Foto: Anne OlliGirječálli Ingjerd Tjelle lea maid ovdalis čállán internáhta mánáid eallimis ja Finnmárkku mánáidruovttumánáin. Girječálli muitalii iežas hálidan muitalit olbmuid eallimis, danne son čállá girjjiid main iešguđeget olbmuin lea sáhka.
Torill Olsen ges muitalii iežas leat girjelávgun, son dat jearahalla girječálli ja bivdá girječálli muitalit iešguđet beliid fáttáin main čállá girjis.
Ohcagođii buorideddjiid
Ingjerd Tjelle muitalii mo son fuomášii radio bokte ohcat olbmuid geain leat erenoamaš attáldagat. Ja de gal čuodjagođii su telefovdna, go ollugat ringejedje ja muitaledje olbmuin geain ledje buoridanattáldagat. Nu čohkkegođii son dieđuid ja čálligođii.
Tjelle maid muitalii muhtun olbmuid birra, maid sáhttá su girjjis lohkat. Earret eará son muitalii ovddeš buorideaddji Ivar Unsgård birra gii ásai Čáhcesullos ja Leonhard Løvlund birra gii ásai Juovlavuonas.
Girječálli guovttos muitaleigga ahte Leonhard Løvlund lei Ruoššas boahtan, ja ahte son lei Vladimir Lenin neahpi. Diet buorideaddjiguovttos leaba áigá juo eretvádjolan, muhto Tjelle čállá maid dálá buorideddjiin, earet eará Torfinn Hammari birra, gii ássá Álttás.
Dá oasáš muitalusas
Earet eará muitalii Ingjerd Tjelle Torfinn Hammari birra gii nuorran lávii geassebottuid vuodjit drošše. Eará drošševuoddjit dáhtto Torfinn Hammari vuolgit doalvut olbmo Hámmarfeastta buohccivissui, go olmmoš lei doadján gieđa ja fuoikkui bákčasiin.
Dalle dat fuomášii Hammari ahte son han lea áhčistis oahppan buoridanvuogi. Son dárbbašii stálleniibbi ja de skirvehii son dan viežžalit. Ja de jotkkii fas mátki, muhto go olbmos ledje nu bákčasat de bisánii ja manai biillas olggos, čuoččastii beaivváža guvlui ja jaskadit logai vearssa maid lei oahppan seammás go doalai niibestális.
Nu son fas vuoddjái. Olbmos jávke bákčasat, de dat ávkkuhii geavahit stálleniibbi ja lohkat dan vearssa maid lei oahppan.
Diet lei vuosttaš geardi go Torfinn Hammarii dálkkodii olbmo. Ja das rájes son gal lea veahkehan olu olbmuid.
Go jearralin olbmuin ahte leat go sii ovdal gullan dahje ožžon veahkki buorideddjiin, de gal illa gillejedje hallat das. Dát albmáguovttos dattetge dadjaleigga ahte buorádallan dat gal lea oahpes ášši sutnuide maid.
Kjell Birkely Andersen ja Hartvig Birkely lohkaba guvhlláruššama ja buoridallama gullat sámi kultuvrii
Foto: Anne Olli
Britta Johansen ja Asfrid Karlsen muitaleaba buorádallama leat oahpes áššiin
Hør innslaget på norsk
Kjell Birkely Andersen, Hartvig Birkely, Asfrid Karlsen ja Britta Johansen forteller at helbredelser og healing er noe de er vokst opp med. Alle har vært bort i dette emnet fra de var barn.
