Hopp til innhold

Sámi balddonasfilbma boađi-boađi

«Unborn Biru» filbma lea dušše okta dain sámi filmmain, mat leat vuordagis lagamus áiggis.

Balddonasmuitalusat ilbmet

ISSORAS: – Mii fertet duostat ráhkadit filmmaid issoras fearániin maid, dadjá buvttadeaddji Per Josef Idivuoma.

Birut ja ráimmahallan lea fáddán ovtta dain filmmain maid dál leat báddegoahtime Guovdageainnus.

Kyrkjegard
Geafivuohta doalvu áhpehis nissona girkogárdái gos suoláda silbbaid muhtin sámi áhku hávddis.
Kyrkjegard
Dan ii lean goassege galgat bargat.
Lokkemann
Son ráimmahallá, ja nu jorgaluvvo su eallin olles helvehin.

Duohta fearán

Filmma muitalus vuolgá duohta fearánis, mii galgá leat dáhpáhuvvan sullii čuođi jagi áigi Ruoŧa beal Sámis, muitala buvttadeaddji Per-Josef Idivuoma.

Per-Josef Idivuoma

BUVTTADEADDJI: Per Josef Idivuoma almmuhii iežas vuosttaš filmma 2010:s.

Foto: Marie Louise Somby

Okta neavttár gal lei vissa suorganan go logai «Unborn Biru» mánusa vuosttaš geardde.

– Son dajai «gal lei oalle issoras filbma, duosttan go son dása gal álgit», bohkosa Idivuoma NRK Sámi «Veaigesáddagis».

Árktalaš ovttasbargu

– «Unborn Biru» lea oaivvilduvvon álgoálbmotnuoraide ja ollesolbmuide, ja vuolggahuvvui Arctic Chills ovttasbargo-prošeavttas, muitala Idivuoma.

Arctic Chills lea Internašunála Sámi Filbmainstituhta (ISFI) ovttasbargoprošeakta eará árktalaš álgoálbmot filbmadahkkiiguin.

Balddonasat leat bivnnuhat

Anne Lajla Utsi er svært fornøyd med statsbudsjettet
– Hui suohtas go viimmat leat ollen nu guhkás ahte sáhttet báddegoahtit dáid filmmaid, illuda ISFI direktevra Anne Lajla Utsi.
– Jus geahččá maid eará álgoálbmot filbmadahkkit leat ráhkadan maŋemus áiggiid, de sáhttá lohkat ahte balddonasfilmmat orrot bivnnuhat, muitala Utsi.
Liv Inger Somby

10 minuktasaš filbma = 2 mill ruvnno

Per Josef Idivuoma muitala iežaset ožžon measta 2 miljovnna ruvnno ruhtadoarjaga iežaset logi minuktasaš filbmii.

På idylliske Buletjávri der jobber Anne Lajla Utsi med samisk film
– Filbma lea hui divrras. Guhkes filmmaide dárbbašuvvo ges sullii 20 miljovnna ruvnno, muitala ISFI direktevra Anne Lajla Utsi.
Anne Lajla Utsi og den berømte reinen Ena
Son muittuha lihkká ahte filbma orro hui divrras, muhto dat han lea hui ollu olbmuide bargosadji.
Liv Inger Somby

Čuvges boahtteáigi

ISFI direktevra oaidná sámi filbmabargiin hui čuvges boahtteáiggi.

Son muitala ollu stuora buvttadanbargguid vuordagis, ja namuha muhtumiid:

  • Ole Giæver «La elva leve»
  • Elle Sofe Sara - Luohtemusikála «Árru»
  • Sara Margrethe Oskal - Guhkes filbma
  • ISFI/YLE pláneme stuora TV-ráiddu
  • NRK Sápmi TV-ráidu

Dát lea dehálaš ovdáneapmi.

Anne Lajla Utsi

Utsi lohká filbmabargguid addit ollu bargosajiid. Ii dušše filbmadahkkiide, muhto maiddai báikkálaš olbmuide.

Buvttadeaddji Idivuoma duođašta ahte lea bargu oallugiidda go nu ollu olbmot čoagganit báddemiidda.

– Juohkehažžii galgá ovdamearkka dihte rievttes biebmu njuni vuollái, boagusta son ja lohpida ahte «Unborn Biru» galgá leat válmmas ovdal go čuoika girdila.

LOGA MAID: Regissør laga film om Alta-aksjonen – blei same

Publisert Oppdatert

Sápmi (alle artikler)

Mer om: Sápmi (alle artikler)

NRK Sápmi – davvisámegillii

Mer om: NRK Sápmi – davvisámegillii

Kultuvra – samisk kultur

Mer om: Kultuvra – samisk kultur

Mer fra NRK Sápmi

Korte nyheter

  • Ođđasat - Davvisámegillii

    Seminára sámi mánáidgirjjálašvuođa birra: – Dá lea álgu sámi mánáid girjjiide

    Sámedikki girjerájus, Juoigiid searvi ja Norgga mánáidgirjeinstituhtta lágidedje odne rabas seminára sámi mánáid girjjálašvuođa birra Oslos.

    Girječálli Inga Ravna Eira, sámi girječálliid searvvis, lei okta dain gii čuovui seminára.

    – Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.

    Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.

    Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.

    – Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.

    Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.

    – Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.

    Ihttá bargobádjái lohká vuordit ahte dat geat galget doppe hállat doppe buktet árvalusaid muhto maid ahte sii ovttas galggašit gávnnahit juoidá.

    – Dá lea álgu sámi mánáid girjjiide, ja dás rájes de álget várra dahpahuvvot áššit, sávvamis.

    Inga Ravna Eira
    Foto: Iŋgá Káre Márjá I. Utsi / NRK
  • Ođđasat - Davvisámegillii

    Kártadoaimmahat dohkkeha Oslove – mieđihit iežaset ádden ášši boastut

    Kártadoaimmahat lea dál dattetge dohkkehan Oslove nama almmolaš máttasámegiel namman Norgga oaivegávpogii.

    – Mii dat leimmet boastut ádden. Gielda lei ožžon formálalaš rávvaga sámi báikenammanevvohagas maid lága mielde galget dahkat, lohká Kártadoaimmahaga ossodatjođiheaddji Helge Dønvold.

    Kártadoaimmahat šálloša go álggos dieđihedje gildii ahte namma ii dohkkehuvvo.

    Dál álgá Oslo gielda čalmmustahttit gávpoga sámi nama.

    – Lean hui ilus go dát manai bures ja go Oslo sámi namma dál lea almmolaččat dohkkehuvvon, lohká Oslo gávpotráđi njunuš, Eirik Lae Solberg.

    Gávpoga sámi namain sii dáhttot čájehit ahte atnet árvvus sámi kultuvrra, ja čájehit ahte Oslo lea buohkaid oaivegávpot, maiddái buot sámiid oaivegávpot, deattuha son.

    Oslo gieldda neahttasiiddus geavahišgohtet Oslove earret eará gávpoga logos, buohtalagaid gávpoga dárogiel namain.

    Ihtet maiddái áiggi mielde Oslove-geaidnošilttat. Gielda áigu muđuid vel árvvoštallat man láhkai buoremusat čalmmustahttet gieldda sámi nama.

    Oslove lea gávpoga namma máttasámegillii, ja dál juo geavahit sihke searvvit ja ásahusat dán sámi nama Oslos.

    Oslove-skilt på Samisk hus i Oslo.
    Foto: Mette Ballovara / NRK
  • Ådåsa - Julevsábmáj

    Fálli nåvkå varresvuohtakontrållåv

    Dån guhti årru Hábmera suohkanin ja la 40 ja 79 jage gaskan oattjo dal varresvuohtakontrållåv tjadádit masta i dárbaha majdik mákset.

    Vuoratjismáno 29. biejve álggá Saminor3-guoradallam Hábmera suohkanin, ja vihpá gitta ájgen moarmesmáno 14. bæjvváj.

    Guoradallama åvddåla gåhttju Hábmera suohkan ja Saminor3 álmmuktjåhkanibmáj, mij tjadáduvvá uddni vuoratjismáno 25. biejve sebrudakvieson Ájluovtan kl. 17.00 ja Hamsunguovdátjin kl. 20.00.

    Danna Hábmera suohkan galggá subtsastit manen Saminor3 la ájnas gájkajda suohkanin, ja guoradalle galggi subtsastit sisano birra viesátguoradallamin – manen Saminor3 guovte vahko duogen suohkanin sierra varresvuodastasjåvnåv rahpá.

    Vihttalåk suohkana li maŋen Saminor3:n.

    Bilde av faglig leder for Saminor 3-undersøkelsen, Ann Ragnhild Broderstad, foran Saminor-bussen.
    Foto: Solveig Norberg / NRK

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen