Ollu rádioaktiivvalaš nuoskkideapmi

Lea 31 jagi áigge go Tsjernobyl-lihkohisvuohta dáhpáhuvai. Stáhta suonjarsuodjalusa ođđa iskkademiin boahtá ovdan ahte Hedmárkku ja Opplándda luopmániin, joŋain ja sarriin lea ain ollu rádioaktiivvalaš nuoskkideapmi. Nu maiddái guobbariin. Máŋgga báikkis Opplándda fylkkas lea ges Biepmobearráigeahčču maiddái gávnnahan ahte lea ollu rádioaktiivvalaš nuoskkideapmi sávzabierggus. Dat dagaha ahte sávzaboanddat fertejit unnibut biepmat sávzzaid ovdal go njuvvet daid.