Hopp til innhold

Maud Angelica Behn: – Don ledjet mu ovdagovva, áhčči

OSLO DUOPMOGIRKU (NRK): Olles gonagasbearaš ja olu olbmot moraštit Ari Behn ja hávdádusas bearjadaga muittašedje máŋggas su. Su boarráseamos nieidda sárdni njuorasmahtii olu olbmuid.

Ari Behn bisettes fra Oslo Domkirke i dag.

Ari Behn 16-jahkásaš nieida Maud Angelica Behn lei sárgon gova, maid lei áigon iežas áhččái addit.

Nu ii šaddan.

– Dán tevnnega áigon dutnje addit juovlaskeaŋkan. Sárggodettiin gova jurddašin man sakka mon du ráhkistan, ja man sakka illudan oaidnit du ámadaju go rabat mu skeaŋkka, logai Maud Angelica Behn, čieru čalmmiid.

Go hávdádus álggii Oslo duopmogirkus, bijai son gova áhčis gistu ala. Garra morrašis doalai son muitosártni iežas áhččái.

Son ávžžuhii buohkaid geat rahčet psyhkalaččat ohcat veahki.

– Jos jearat veahki, de čájehat ná givrodaga. Servvodagas leat ge dievva fágačeahpit, gergosat veahkehit buohkaid geat dárbbašit veahki, logai son.

Tegning av Ari Behn som Maud Angelica Behn har tegnet. Tegningen er trykket på baksiden av programmet til Ari Behns bisettelse

SÁRGON GOVA: Ari Behn boarráseammos nieida sárggui dán gova.

Foto: Tegning av Maud Angelica Behn, program fra Jølstad

Son lohká morraša leat garas ja dovddahii maid stuorra ráhkesvuođa iežas áhččái.

– Don ledjet mu ovdagovva ja sáŋgár, áhčči, logai Maud Angelica Behn.

Ari Behn eatni ja áhčči maid lossa morrašiin muittašeigga iežaska bártni. Girkus oidnui bures ahte sártnit njuorasmahtte ollugiid.

Maud Angelica, Emma Tallulah og Leah Isadora Behn legger blomster på Ari Behns båre

BIJAI RÁSI GISTTU ALA: Märtha Louise ja Ari Behn golbma niedda bidja rási sin áhčči gisttu ála. Gitta olgešbealde lea Märtha Louise.

Foto: Håkon Mosvold Larsen / NTB scanpix

Gatnjalat golge

Stáhtaministtar Erna Solberg ja njeallje stáhtaráđi maid oassálastet hávdádusas.

Solberg lei sakka njuorrasan go gulai Behn lagamuš bearraša muitosártniid.

En rørt Erna Solberg blir intervjuet etter Ari Behns bisettelse

NJUORRASAN: Stáhtaministtar Erna Solberg rámida Ari Behn boarráseamos nieidda sártni.

Foto: Gunhild Hjermundrud / NRK

Gatnjalat dušše golge go stáhtaministtar dalá maŋŋá hávdádeami searvvai NRK TV sáddaga jearahallamii.

Erenoamáš garra dovdduid bovttii Behn 16-jahkásaš nieidda sárdni.

– Gal dát čuohcá gitta váimmu siskkimužžii. Dat vuhtto ahte son lea bajásšaddan ruovttus gos mánáid ja vánhemiid gaskka lea garra ráhkesvuohta, lohká Solberg.

Ruoŧa gonagasbearraša ovddastii prinsa Daniel.

Sámediggi ii lean sádden ovttage almmolaš ovddasteaddji Ari Behn hávdádussii.

Doarjjui lagaš skihpára

Beakkán sámi govvideaddji ja Ari Behn lagaš ustit, Per Heimly, bođi čáhppes beaivvášglásain Behn hávdádussii.

Heimly lei okta dain guhte maŋimuš jagiid lea geahččalan doarjut ja movttiidahttit Behn, go Behn ražai dearvvašvuođain. Nu čilge Heimly NRK TV-prográmmas, mii čájehuvvo bearjadat eahkeda.

Per Heimly ankommer Ari Behns bisettelse

LAGAŠ USTIT: Ari Behn lagaš ustit, Per Heimly, lea maid boahtan Behn hávdádeapmái.

Foto: Heiko Junge / NTB Scanpix

Behn lea ieš maid rahpasit dovddahan ahte sus dáidá leat sámi duogáš. Njukčamánus 2015 lei son Heimly mielde Finnmárkkus. Soai finaiga duoddaris govvideamen, ja maŋŋá lei govvačájáhus Sámi viesus Oslos.

Buohkat eai čáhkan girkui

Oslo duopmogirkui čáhket sullii 800 olbmo. Ollugat dain geat ledje boahtán hávdádeapmái čužžo máŋga tiimmu olggobealde girku, ovdalgo besse sisa.

Vaikko nie stuorra olmmošálbmot lei čuččodeamen olgun, de lei áibbas jaskat. Dušše trihkat gullojedje go ain vudje duopmogirku meattá.

Ollugat eai beassan sisa, vaikko ledje olles iđitbotta vuordán olggobealde girku.

Ari Behn fotografert på Kjendisgallaen 2016

47 JAGI: Ari Behn jámii vuosttas juovlabeaivve 2019. Son lei 47 jagi boaris.

Foto: Jon Olav Nesvold / NTB Scanpix

Sámediggi ii lean sádden ovttage ovddasteaddji Ari Behn hávdádussii.

Jagi 2002 náitalii Behn Norgga prinseassain Märtha Louiseain. Jagi 2016 soai earráneigga. Sutnos leat golbma máná, Maud Angelica, Emma Tallulah ja Leah Isadora Behn

Girječálli ja dáiddár, Ari Behn vádjolii vuosttaš juovlabeaivve.

Ari Behn bisettes i Oslo domkirke

Geahča govvaráiddo Ari Behn hávdádeamis Oslo duopmogirkus.

Foto: Håkon Mosvold / Scanpix
Ari Behn bisettes fra Oslo Domkirke.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.