NRK Meny

Ollu bargu vuovdebuollimiid dihte

Finnmárku siviilasuodjalusas lea leamašan olu bargu dán geasi. Mannan vahkku fertejedje geavahit olu návccaid go Kárášjogas lei vuovdebuollin, ja dasa lassin leat Finnmárkku siviilasuodjalusas leamašan veahkkin čáskkadeamen vuovdebuollima Aust-Agderis Lulli Norggas. Oktiibuot lea Finnmárkku siviilasuodjalus geavahan sullii 3000 diimmu dušše vuovdebuollimiidda, dan dadjá Nuorta-Finnmárkku siviilasuodjalusa doaibmi guovlluhoavda Frank Gerl. Riikadásis ii leat goassege Siviilasuodjalusas leamaš nu ollu bargu nu go dán geasi, ja sivvan dasa ledje measta 1900 vuovdebuollima.