NRK Meny
Normal

Olgoriikka rumbbut

Sámi musihkas gullá dán áigge hui dávjá olgoriikka rumbbuid. Ja juohke rumbbus lea iežas sierranas jietna ja iešvuohta.

Kenneth Ekornes ja su "talking drum"

Afrihka 'talking drum'

Foto: Wenche Marie Hætta / NRK

Rumbu lea máŋgga čuojaheaddji mielas dat čuojanas mii bures dahje buoremusat heive luohtái. Ja eanet ahte eanet sámi artisttat atnet dán áigge iešguđetlágan olgoriikka rumbbuid iežaset musihkas.

Guldal maid Heaika Hætta muitala tabla ja Jai Shankar birra:

TABLA JA SÁPMI

Indiske tabla-trommer

India tabla-rumbbut

Foto: INDRANIL MUKHERJEE / AFP

Tabla lea India rumbu. Dát ráhkaduvvo muoras ja gáicca-náhkis. Guovdu rumbbu lea čáhppes jorba man gohčodit syahi, ja dat dagaha ahte rumbbus šaddá iežas earenoamáš mihtilmas jietna. Okta máilmmi beakkáneamos tabla-čuojaheddjiin, Jai Shankar, čuojaha sámi musihkkajoavkku Sančuari cdas "Šleaŋgačuoivvat".

Tabla jietna

Djembe
Foto: Wenche Marie Hætta / NRK

Djembe lea Áfriika rumbu. Dán rumbbu ráhkadit feara makkár muorrašlájain ja das lea gáicca-náhkki. Lea maid dábálaš hervet dáid rumbbuid ivdnás báttiiguin. Djembe jietna

P.J. Band konsearta
Foto: Privat

Conga rumbbut bohtet Cubas, muhto dain lei vuolgga Áfriikkas. Dát rumbbut leat ráhkaduvvon dego fárppal, ii ge ráigojuvvon muoras nu go lea dábálaš Áfriikkas. Congasat leat áigá juo boahtán sámi musihkkii. 70-logus juo gullá dán Deatnogátte Nuorat vuosttaš LPas.

Conga jietna