Olgoriikalaččaid atnit čalmmis

Maŋŋá go Álttá ássit leat vávján olgoriikalaš biillaid jorramis sin ránnjá dáluid mielde, de ávžžuhit politiijat olbmuid sin atnit čalmmis.
Politiijat bivdet maid olbmuid dieđihit jus vávjježit olbmuid dahje biillaid jođašeamis ipmašit go dat sáhttet leat olbmot geat ráhkkanit gaikut dáluide gos olbmot eai leat ruovttuin.
Datge bivdá Álttá leansmánni, Øyvind Lorentzen, olbmuid jurdilit moattti gearddi ovdal váidigohtet.