Hopp til innhold

Olbmuiguin vai olbmuin?

Dakkár bajilčála go "Searvi šiehtada olbmuin" muitala ahte lea šiehtadan dušše ovttain olbmuin. Juos lea šiehtadan máŋgasiin, de galggašii dieđusge čállit "Searvi šiehtada olbmuiguin".

Hálešteamen
Foto: NRK Sápmi

Gallásiin leat háleštan?

Lea dehálaš earuhit komitatiivva ovttaidlogu ja máŋggaidlogu. Dies oidnojit ja gullojit olu ovdamearkkat, go geavahuvvo ovttaidlohku, vaikko lea máŋgga olbmos sáhka. Dan fuomášahttá Sámedikki jorgaleaddji ja giellaberošteaddji Veikko Holmberg.

Juos “mun lean háleštan gili olbmuin”, de dalle lean háleštan dušše ovttain olbmuin. Juos lean máŋgasiin háleštan, de galggan dieđusge dadjat “mun lean háleštan gili olbmuiguin”.

Holmberg dadjá ahte sáhttá leat lokatiiva, mii sehkke:
Ovttaidlohku: Jerren dan olbmos.
Máŋggaidlohku: Jerren dain olbmuin.
Oainnatgo lokatiivva máŋggaidlohku lea seammá hámis go ovttaidlogu komitatiiva.


Publisert

Giella - Cealkkaoasit

Mer om: Giella - Cealkkaoasit

Mer fra NRK Sápmi

Korte nyheter

  • Ođđasat - Davvisámegillii

    Stuorra beroštupmi lohkat sámegiela

    Dál leat ohcciid logut almmolaččat Sámi allaskuvllas ja erenoamáš bivnnut lea lohkat sámegiela easkaálgi dásis. Dássážii leat 70 ohcci ja eatnašat sis leat bidjan dán váldovuoruheapmin. Masteroahpu sámegielas lea maiddái bivnnut, 24 leat ohcan dasa.

    – Lea hui buorre oaidnit loguid ahte man gallis háliidit oahppat sámegiela ja lea šállu go mis leat dušše 15 oahpposaji. Dát mearkkaša ahte lagabui 55 kvalifiseren ohcci gártet vuordinlistui, ja danne ferten boahttevaš vahkuid vuoruhit gulaskuddančoahkkimiid sihke Sámedikkiin, ráđđehusain ja Stuorradikkis politihkalašjoavkkuiguin, dadjá rektor Liv Inger Somby. Go giellaoahppu lea nu bivnnut, de ferte dása gávdnat čovdosiid, eambbo resurssaid ja ruđa, joatká Somby.

    Sámi allaskuvla fállá maiddái easkaálgi oahppu lullisámegielas ja dása leat 11 ohcci, muhto máŋggas eai leat vuoruhan dán oahpu bajimužžii. Nu čállá Sámi allaskuvla preassadieđáhusas.

    Sannhets- og forsoningskommisjonen overrekker rapporten. Kommisjonsmedlem Liv Inger Somby.
    Foto: Torgeir Varsi / NRK Sápmi

  • Suodjalus lea viežžan iežaset ruskkaid álbmotmeahccis

    Ruskkat maid gávdne duoddaris maŋŋá Nordic Response soahtehárjehallamiid lea dál vižžojuvvon Suodjalusas.


    Maŋŋágo Nato-hárjehallan Nordic Response lei leamaš Rávttošvuomi álbmotmeahcis njukčamánus, de fuomášuvvui ahte guovllus ledje ollu ruskkat.

    - Dát ii livčče galgan dáhpáhuvvat, dadjá Marianne Rygh Bø, gii lea birasgáhttenoffiseara Suodjalusa operatiivvalaš váldoguovddážis.

  • Nyhetssenter Troms og Finnmark

    Trekker drikkevanns-protest

    De planlagte vindturbinene som kunne true drikkevannet i Berlevåg, skal flyttes.

    Det har Varanger Kraft Hydrogen besluttet.

    I fjor sa Mattilsynet nei til å utvide vindkraftanlegget på Raggovidda. Grunnen var at et eventuelt utslipp av kjemikalier ville havne i drikkevannet.

    Men en flytting av fire turbiner var alt som skulle til. Nå har Mattilsynet trukket tilbake sin innsigelse.

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen