Nu duođašta doaibmi njoammuneastadandoavttir Jonas Hansson NSD áviisii, čállá Sameradion & SVT Sápmi.
Gáresavvon lea giláš Davvi-Ruoŧas, Girona suohkanis, Suoma ráji alde. Gilis ásset birrasii 300 olbmo.
Gili boarrásiidsiiddas lea koronavirus njommon sihke bargiide ja boarrásiidda, ja guovttis leaba jo jápmán.
- Loga maid:
Gávcci bargis koronavirusa
Dasa lassin leat vel golmma boarrásis duođaštuvvon covid-19.
Gárasavvona boarrásiidsiidda ossodathoavda Margareta Stålnacke muitala ahte sii leat váldán iskosiid maiddái boarrásiin geain eai leat dávdamearkkat.
Son muitala maid ahte eanaš bargiin leat maid dál váldán koronaiskosiid.
– Gávcci bargái lea dássážii duođaštuvvon njommon korona, ja sii leat ain leat vuordime vástádusaid muhtin iskosiin, dadjá son Sameradion & SVT Sápmái.
- Loga:
Viežžan bargiid Gironis
Okta bargi lea dearvvašnuvvan ja ruovttoluotta dál barggus.
Stålnacke muitala ahte sii leat bivdán dearvvašvuođabargiid Gironis botket luomuid ja boahtit bargat boarrásiidsiiddas Gárasavvonis.
Norrbottenis lea 1586 olbmui njommon korona ja 83 obmo leat jápmán covid-19 dávdii, čájehit Ruoŧa álbmotdearvvašvuođaeiseválddiid logut.
- Loga:
- Loga maid: