Hopp til innhold

Ohppet iežaset iešvuođas

Davvi Norgga girječálliidsearvi fállá logaldallamiid davvi guovllu politihkas, ja Davvi Norgga olbmuid iešvuođas jahkečoahkkimis dán vahkkoloahpa.

Hamar Bibliotek
Foto: Kjetil F. Skaug / NRK

Ášši doaimmaha Ánne Olli

Marit Lund Bødtker

Marit Lund Bødtker

Foto: Anne Røed

Davvi Norgga girječálliidsearvvi jođiheaddji Marit Lund Bødtker muitala searvvi váldo ášši doaibmaplánas lea ovdánahttit girjjálašvuođa Davvi Norggas. Erenoamážit galgá searvi boktalit girječálliid čállit dán áiggis, das mii dál dáhpáhuvvá.

Golbma davimus fylkka ruhtadit doaimma

Bødtker muitala Norgga golmma dávimus fylkka doarjut searvvi ruđalaččat. Finnmárkku fylka hálddaša ruhtadoarjagiid buorrin Davvi Norgga girječálliidsearvái

Lagidit logaldallamiid

Dán jagi jáhkečoahkkimis lágida searvi guokte logaldallama. Bente Aasjord, gii lea beakkánis čálli ja servodatdigaštalli Davvi Norggas, son boktala miellahttuid jurddašišgoahtit das ahte oassálasttet go sii doarvái bures áŋgiruššat davvi guovllu ovdáneamis. Ieš lea áŋgirit searvan digaštallamiidda, gos lea leamaš sáhká davvi guovllus ja davvi guovllu poletihka fápmostallamis.

Hildekat Eriksen ges logaldallá davvi norgalaččaid iešvuođas. Ja das ahte dárbbašit go sii sierra girječálliidsearvvi Davvi Norggas. Eriksen lea Davvi Norgga magasiinna " Nord Norsk Magasin" váldoredaktevra, ja lea maid Nordkapp Girjelágádusa jođiheaddji

Searvái sávašii eanet miellahtuid

Davvi Norgga girječálliidsearvvi jođiheaddji Marit Lund Bødtker sávašii eanet miellahttuid searvái. Dál leat searvvis dušše 112 miellahtu. Danne ávzzuha son buohkaid geat leat almmuhan girjji, dieđihit miellahttun searvái. Searvvis lea maid sierra girjjálašvuođaráđđi mii árvvoštallá girjjiid.

Korte nyheter

  • Stuorra beroštupmi lohkat sámegiela

    Dál leat ohcciid logut almmolaččat Sámi allaskuvllas ja erenoamáš bivnnut lea lohkat sámegiela easkaálgi dásis. Dássážii leat 70 ohcci ja eatnašat sis leat bidjan dán váldovuoruheapmin. Masteroahpu sámegielas lea maiddái bivnnut, 24 leat ohcan dasa.

    – Lea hui buorre oaidnit loguid ahte man gallis háliidit oahppat sámegiela ja lea šállu go mis leat dušše 15 oahpposaji. Dát mearkkaša ahte lagabui 55 kvalifiseren ohcci gártet vuordinlistui, ja danne ferten boahttevaš vahkuid vuoruhit gulaskuddančoahkkimiid sihke Sámedikkiin, ráđđehusain ja Stuorradikkis politihkalašjoavkkuiguin, dadjá rektor Liv Inger Somby. Go giellaoahppu lea nu bivnnut, de ferte dása gávdnat čovdosiid, eambbo resurssaid ja ruđa, joatká Somby.

    Sámi allaskuvla fállá maiddái easkaálgi oahppu lullisámegielas ja dása leat 11 ohcci, muhto máŋggas eai leat vuoruhan dán oahpu bajimužžii. Nu čállá Sámi allaskuvla preassadieđáhusas.

    Sannhets- og forsoningskommisjonen overrekker rapporten. Kommisjonsmedlem Liv Inger Somby.
    Foto: Torgeir Varsi / NRK Sápmi
  • Suodjalus lea viežžan iežaset ruskkaid álbmotmeahccis

    Ruskkat maid gávdne duoddaris maŋŋá Nordic Response soahtehárjehallamiid lea dál vižžojuvvon Suodjalusas.


    Maŋŋágo Nato-hárjehallan Nordic Response lei leamaš Rávttošvuomi álbmotmeahcis njukčamánus, de fuomášuvvui ahte guovllus ledje ollu ruskkat.

    - Dát ii livčče galgan dáhpáhuvvat, dadjá Marianne Rygh Bø, gii lea birasgáhttenoffiseara Suodjalusa operatiivvalaš váldoguovddážis.

  • Trekker drikkevanns-protest

    De planlagte vindturbinene som kunne true drikkevannet i Berlevåg, skal flyttes.

    Det har Varanger Kraft Hydrogen besluttet.

    I fjor sa Mattilsynet nei til å utvide vindkraftanlegget på Raggovidda. Grunnen var at et eventuelt utslipp av kjemikalier ville havne i drikkevannet.

    Men en flytting av fire turbiner var alt som skulle til. Nå har Mattilsynet trukket tilbake sin innsigelse.