NRK Meny

Ohcet álgovuostáváldinbáikkiid

Finnmárkku fylkamánni lea ožžon otnážii áigemeari dieđihit Olgoriikalaččaid eiseválddiide (UDI:i) mat guoros viesuid Finnmárkkus sáhttet geavahuvvot álgovuostáváldinbáikin dorvoohcciid várás. – Dorvoohcciid lohku lea garrasit sturron maŋimuš áiggi, ja lea eahpesihkkar mo dat ovdána guhkit áiggi dáfus. Dat mearkkaša ahte mii fertet gávnnahit ahte mo sáhttit áimmahuššat boahttevaš dárbbuid, dadjá DSB ossodatjođiheaddji Per Brekke VG:i. DSB:s dat lea ovddasvástádus kártet dili UDI ovddas.