NRK Meny
Normal

Ohcan rektorvirgái

Boazodoallohoavda Ellen Inga O Hætta lea ohcan rektorin Sámi Joatka -ja Boazodoalloskuvlii Guovdageaidnui.

Ellen Inga O. Hætta

Áiggošii heaitit. Ellen Inga O Hætta lea ohcan ođđa barggu.

Foto: Eilif Aslaksen / NRK

Ellen Inga O. Hætta áiggošii heaitit boazodoallohoavdan, son ii leat gal vuos cealkan eret iežas virggis, muhto lea ohcan rektorin.

Ovcci jagi hoavdan

Ellen Inga O. Hætta lea leamaš boazodoallohoavdan 2001 rájes ja nu jođihan Norgga Boazodoallohálddahusa Álttás ovcci jagi. Sus lea leamaš jagi virgelohpi dan botta go doaimmai sámi áššiid stáhtačállin 2004:is gitta 2005 rádjái.

Hætta gii ieš lea Guovdageainnus eret, lea dál ohcan rektoriin Sámi Joatka- ja Boazodoalloskuvlii Guovdageindui, mii lea okta dan guovtti sámi joatkaskuvllain norggas maid stáhta jođiha ja mas lea erenoamaš ovddasvástadus addit oahpu boazodoalus.

GULDAL:

Ii vel muital


Sámi joatkaskuvllaid stivrajođiheaddji Anton Dahl ii sáhte vuos dadjat geat leat ohcan rektorvirgái, muhto lohká ahte Ellen Inga O Hætta livččii buorre rektor sidjiide.