Hopp til innhold

Ohcan ásahit giellaguovddáža

Návuona suohkan lea ohcan ásahit sámi giellaguovddáža ja Sámediggeráđđi lea juolludan sidjiide álggahandoarjaga. Giellaguovddáš galgá ásahuvvot 2017 jagi mielde ja doarjja lea addon lágidit sámegielkurssaid ja ásahit sámegielarenaid. – Sámediggeráđđi lea ilus go eambbo giellaguovddážat ásahuvvojit. Erenoamážit lea dehálaš ásahit sámi gieallagauovddáža báikin gos sámegiella ii leat nu nanus, dadjá sámediggepresideantta Aili Keskitalo.

Korte nyheter

  • En person til sykehus etter trafikkulykke

    En person blir flydd til sykehus med helikopter etter trafikkulykken på E6 ved Indre Kjerringdal i Langfjorden i Alta, ifølge politiet i Finnmark på Twitter. Trafikken på veien dirigeres i påvente av bilberging.

  • Njulgen boastut čállojuvvon šilttaid

    Dál lea Stáhta geaidnodoaimmat divvon dáid boastut čállojuvvon šilttaid Evenáššis, Nordlánddas. Šilttat leat čužžon masa vihta jagi. Várdobáikki sámi guovddáža báikenammalávdegoddi lea máŋgii cuiggodan dán ja dáhttun divvut dáid. Lávdegotte-jođiheaddji Gudmund Johnsen lea duhtavaš.

    – Dat orru hui vuogas, viimmat leat guldalan min. Dát lea leamaš lossa proseassa, go bohtet boastut čállojuvvon namat, seammás go báikenammalávdegoddi geahččala oažžut dáid riekta čállojuvvon, dadjá Johnsen.

    Lidaláddi / Liland
    Foto: Mathis Eira / NRK
  • Badjel 14 miljon ruvnnu oahpponeavvuide

    Sámediggi juolluda 14.366.000 ruvnnu ođđa oahpponeavvuide, čállá Sámediggi preassadieđáhusas.

    Dál buvttadišgohtet oahpponeavvuid lullisámegiel fágas 1. - 4. ceahkkái, julevsámegiel nubbingiellan vuođđooahpahussii ja davvisámegiella nubbingiellan joatkkaskuvladásis, čállá Sámediggi.

    – Lea dehálaš buvttadit oahpponeavvuid buot golmma sámegillii, dárbu ođasmahtton ja áigeguovdilis oahpponeavvuide lea stuoris. Lean duhtavaš go vuoruhuvvojit oahpponeavvut sihke vuosttaš- ja nuppegielagiidda, dadjá sámediggeráđđi Mikkel Eskil Mikkelsen.

    Sametingsråd Mikkel Eskil Mikkelsen (NSR).
    Foto: Vaino Rensberg / Sametinget