NRK Meny
Normal

Ohcamin beavdegirjjiid girjeráddjosii

Unjárgga girjerájus ohcala dološ beavdegirjjiid háldosis. Sámiid Searvi attášii iežas girjjiid, muhto girjjit leat jávkan

Gunn-Britt Retter
Foto: Eilif Aslaksen / NRK

Beavdegirjjiin leat histrorjjálaš dieđut maid galggašii maŋit áigái rádjat. – Jus beavdegirjjit jávket, de láhppojit historjjálaš dieđut maid, dadjá girjerájushoavda Frøydis Betten.

Avžžuhit buktit protokolaid

Unjárgga girjerájus sádde lagamus áiggi ávžžuhusa servviide ahte eai go buvttašii girjerádjosa háldui beavdegirjjiid mat eai leat šat anus. Ovddit heave go ohcaledje beavdegirjjiid nuppelohk jagi, de fidnejedje guovtti searvvis. – Eai leat makkárge mearit dasa ahte man boarrás beavdegirjjit sáhttet leat, ovdal go dohkkehit, čilgesta Frøydis Betten.

Várjalit girjjiid

Go vuos bohtet beavdegirjjit girjerádjosa seinniid siskkabeallái, de bissot dat doppe. Dat eai luikojuvvo ruoktot gal. Dat guhte hálidivččii daid lohkat, ferte dan dahkat girjerádjosis. – Beavdegirjjit galget várjaluvvot dego básmánáža várjala, dadjá Betten.

Unjárgga Sámiid Searvvi ovdaolmmoš Gunn-Britt Retter gal lea mielas addit sámesearvvi dološ beavdegirjjiid girjerádjosii - jus dieđášii gos daid vuos gávdná.