Nuortta- ja oarjjelsáme guovlojn la stáhta ruhtadam joarkkaskåvlåjt majna l åvdåsvásstádus nuortta- ja oarjjelsáme giela ja kultuvra åvdås.
Nordlánda fylkasuohkan álgadij guovvamánon jagen 2023 gæhttjalimprosjevtav Knut Hamsun joarkkaskåvlån ulmmen sjaddat julevsáme giela ressurssaskåvllå.
Fylkaráde Svein Øien Eggesvik (Gb) javllá Nuo dát la fylkkasuohkana sávadus aj boahtteájggáj, valla ælla hájn dahkam juojddá dajna gåktu stáhtas galggi ruhtadimev oadtjot joarkkaskåvllåj julevsáme guovlon.
Muhtem sáme birrusijn lájtti Knut Hamsun joarkkaskåvlå namáv, tjállá NuorttaSállto Avijssa. Lájtto l dan birra vaj ij la aktisasjvuohta resurssaskåvllån liehket julevsámegiela hárráj ja sæmmi bále adnet kontroversalasj tjálle namáv.
– Mij galggap máhtsadit dasi vehi maŋŋel, valla duohtavuoda- ja såbadimprosessa gáktuj mij galggá joarkket, de lip miellusa dav tjalmostahttet. Jus la gássjelisvuohta skåvlå namájn Knut Hamsun, de soajttá luluj ietjá namma, javllá fylkaráde Svein Øien Eggesvik NuorttaSállto Avijssaj.
Sámedikkeráde Mikkel Eskil Mikkelsen vuorddá skåvllå ja fylkasuohkan skåvllåæjgádin oadtju prosessav jåhtuj namá birra ja tjielggit majt sihti gaskostit Knut Hamsun namájn skåvlån.
– Tjálle vuojnno l dåbdos nasisstan ja aj suv girjálasjvuohta mij la sámijt nievres láhkáj gåvvim, ja ij la sijájt åvdedam, javllá Mikkel Eskil Mikkelsen NuorttaSállto Avijssaj.
Suv mielas ij udnásj namma hieba namman skåvlån, ja vuorddá ságastallamav namá birra.
Mikkelsena mielas la aj gatjálvis makkár skåvlåv sihtap, majt sihtap gaskostit ja majt sisadno galggá liehket.
– Guovdásj oasse gåktu dav gaskosti skåvlå bieles la namá baktu, miejnni sån.
Suohkanoajvve Britt Kristoffersen Løksa javllá NuorttaSállto Avijssaj sån gal oassálasstá ságastallamij mij skåvllå namma galggá liehket boahtteájgen.
– Bierrip namáv rievddat, jali galggap dav bisodit gåktu uddni la, de vierttip buohtastahttet guovte bielijt, javllá Kristoffersen.
– Udnásj skåvllådile gáktuj luluj aj sihtat namáv Nord-Salten duodden sáme nammaj Nuortta-Sállto. Valla nav gåk javladum, ij la dát mige man birra lav ságastam ja tjanádum suohkanstivran, javllá Kristoffersen.
To biler skal være involvert i en trafikkulykke i 80-sonen på E45 ved Masi. Det melder politiet klokken 09.23. Nødetatene er på vei. Veibanen er stengt i begge retninger.
Garra reaksjåvnå li Hábmeris boahtám oajvvadusáj ådå struktuvrraj joarkkaskåvlåjda Nordlándan.
Dálla l fylkaráde mierredam ij huoman galga Hábmerin hiejtedit oahppogárvedime åhpadusfálaldagáv.
– Gå lip låhkåm da vuostasj guláskuddamvásstádusájt lip vuojnnám ja oadtjum duodastusáv ja buorep dádjadusáv åhpadussuorggáj, ja aj man ájnas skåvllå l sáme giela ja kultuvra hárráj. Dat merkaj ij sjatta oajvvadus fylkadiggáj hiejtedit oahppogárvedime åhpadusfálaldagáv Hábmerin, javllá fylkaráde åhpadussaj ja máhtudahkaj Joakim Sennesvik.
Fylkaráde ruhtadussaj ja organisasjåvnnåj Aina Johanne Nilsen javllá dát la guláskuddama ulmme.
- Lip siváj diehti tjadádime dáv guláskuddamav. Jur dan diehti gå juohkkahasj gænna l máhtto ja diedo mijá åhpadusstruktuvra birra galggá máhttet buktet ietjas vuojnojt ruopptot. Dán ássjen ruvva vuojnijma manen åhpadussuorgev bisodit li ienep tjielggasa gå argumenta dav hiejtedit. De konklusjåvnnå ietjastis boahtá, javllá Nilsen.
