NRK Meny

Ohcagoahtán fas Per Vålnesa

Politiijat leat ohcagoahtán fas Per Vålnes gii jávkái juovlamánu 1. beaivvi 2011:s Garganis, Báhccavuonas. Dát lea oalle vuđolaš ohcan Vollan guosseviesus, go juohke lanja láhtti vuolde galgá roggojuvvot 2-3 mehtera. Guovtti lanjas ádjánit vahkku ja olles bargu moadde mánu. Per Vålnesa ovttasássi dieđihii vuos su jávkán, muhto maŋŋel šattai goddin-áššin. Ovttasássi ja guokte eará leat leamaš giddagasas go leat sivahallon goddán Vålnesa. Oktiibuot leat 116 olbmo dutkojuvvon áššis, ja ain bohtet cavgileamit. Guovlluleansmánni Andreas Nilsen dajai árat odne
ahte sii doivot gávdnat Vålnesa doppe.