NRK Meny
Normal

OG-niehku bisánii

Ikte eahkes čielggai ahte Signe Marie Fidje Store lea geargan olympiagilvvuin dán vuoro.

Signe Marie Fidje Store

Dása nogai Signe Marie Fidje Store OG-niehku dáin OG-gilvvuin.

Foto: Rune Fredriksen / NRK

Doaivva lei ahte son galggai beassat joatkit jus Anna Jenny Fransson livččii vuoitán heaibuma japánalaš Sara Dosho vuostá semifinálas. Nu ii šaddan go Fransson vuoittáhalai, ja nu bisánii Fidje Store OG-nihku dán vuoro.

– Mun ii dieđe livččii go Signe Marie nagodan heaibut viidáset heaibuma bronsafinálas, dadjá Deanu heaibunsearvvi ovddeš jođiheaddji, Rita Boine.

Røntgeniskkadeapmái

Boine muitala ahte Signe Marie Fidje Store dolvojuvvui njuolga røntgeniskkadeapmái maŋŋil go gearggai heaibumis. Son muitala ahte Fidje Stores lei bávččas oalgi, muhto eai dieđe dál man bahuid son roasmmohuvai gilvvus.

Buorre hárjáneapmi

Rita Boine

Deanu heaibunsearvvi ovddasteaddji, Rita Boine, gal doaivu Signe marie Fidje Store nuppes faskes medálja mielde ruoktot OG-gilvvuin.

Foto: Piera Balto / NRK

Rita Boine lohka ahte Signe Marie Fidje Store lea dáin gilvvuin háhkan buori hárjáneami ja vásáhusaid, maid son váldá mielde jus son nuppes fas beassá olympiagilvvuide. Son han lea ain nuorra, ja sáhttá nuppe háve vuoiti, dadjá Boine

Nuppes faske medálja

Mun dasto jearralin Rita Boines: Leago doaivva ahte Signe Marie Fidje Store sáhttá máhccat ruoktot medáljain čeabet birra jus nuppes searvá?

De gal Rita Boine bohkosa, ja vástida, doaivumis, na juo doaivumis.