Hopp til innhold

Odne lágideaba vuosttaš radiotalkshowa lullisámegillii

Dál besset Ruoŧas vuosttaš geardde gullat lullisámegielat radiotalkshow. Oappážagat Máret ja Inga Márjá Steinfjell dat jođiheaba dán ja sutno mihttu lea dahkat nu buori prográmma ahte eará sápmelaččat galget háliidit ipmirdit man birra sii hupmet.

Máret ja Inga Marja Steinfjell

Máret ja Inga Marja Steinfjell

Foto: Mattias Ahlm/Sveriges Radio

SR Sámerádio ja SVT-Sápmi sáddegoahtá odne «Steinfjell & Steinfjell». Máret ja Inga Márjá Steinfjell sáddeba vuosttaš prográmma njuolga sámi kulturbeivviid Lopme Naestie lágideamis Bienjedaelies Ruoŧas.

Niegu beassá duohtandahkat

– Moai háliidetne ráhkadit áigeguovdilis prográmma lullisámegillii, ahte leat somás ságat, dakkár ságat mat eai leat goassege ovdal gávdnon lullisámegillii, gos hubmojuvvo veahá eará formáhtas go ođđasiin, lohká Inga Márjá Steinfjell. Dát lea leamaš su niehku dán dan rájes go álggii journalistaohppui, dahkat sierra prográmma lullisápmelaččaide.

Ruoŧas lea lullisámegiella dat sámegiella maid unnimus olbmot máhttet, dušše birrasii 500 olbmo máhttet dán giela.

– Prográmma galgá leat nu buorre ahte eará sápmelaččat galget háliidit ipmiridit man birra mii hupmat. Sápmelaččaid gaskkas lea measta gilvu geahččalit ipmirdit eará sámegielaid, nu ahte in jáhke ahte dán mihtu lea veadjemeahttun olahit, lohká Máret Steinfjell.

Gáhttet ja ovddidit lullisámegiela

Steinfjell & Steinfjell-prográmmain áiguba sihke gáhttet ja ovddidit sámegiela, ovttas guldaleddjiiguin.

– Neahtta lea leamaš olles revolušuvdna unnitgielaide, go sáhttá leat máŋga miilla lagamus olbmo lusa geainna beassá sámástit. Danne lea maid radio hui dehálaš. Moai ean ieža máhte buot sániid, eange soaitte álo hupmat áibbas riekta, muhto moai ean bala goit dadjamis maidege boastut, lohká Inga Márjá.

– Áigo hupmat daid deháleamos dáhpáhusaid birra Sámis, digaštallat daid suohttaseamos giellahástalusaid dákkár áitojuvvon unnitgielain, ja áigo bovdet studioi daid eanemus áigeguovdilis gussiid, vaikko soaitá šaddat veahá hástalus gávdnat gussiid geat máhttet lullisámegiela, lohká Máret.

Ole Isak Mienna

SR Sámeradio ja SVT Sámi hoavda Ole-Isak Mienna

Foto: Lars-Ola Marakatt/SR Sameradion

Stuora vuordámušat

Diibmosaš prográmma lullisámegillii juohke vahku gal ii gula árgabeaivái. Dássážii lea Ruoŧa bealde sámerádios gullon logi minuvtta lullisámegiel prográmma guovtte geardde vahkkui, man NRK Sápmi buvttada.

– Mii eat lea dahkan nu olu lullisámegielagiidda ja dál go viimmat šattai dat vejolašvuohta, de jurddašeaimmet ahte eatgo mii de daga juo albmaládje. Mun vuorddán ahte dat šaddá hui somá ja ahte mii oažžut maiddái stuora publihka, lohká SR Sámeradio ja SVT Sámi hoavda Ole-Isak Mienna.

Radiotalkshowa Steinfjell & Steinfjell sáddejuvvo Ruoŧa P2 ja sámeradios dii. 15-16 juohke bearjadaga. Prográmma sáhttá maid guldalit neahtas ja Sveriges Radio Play-appas.

Publisert

Mer fra NRK Sápmi

Korte nyheter

  • Nyhetssenter Troms og Finnmark

    Skånland: Besøksforbud på sykehjem grunnet omgangssyke

    Ifølge et tips Harstad Tidende har fått tips om at Skånland sykehjem i Tjeldsund kommune er stengt for besøkende på grunn av et smitteutbrudd.

    En pårørende av beboer på et sykehjem i Tjeldsund kommune i Sør-Troms mener sykehjemmet i Skånland er avstengt på grunn av smitteutbrudd.

    Det skriver Harstad Tidende.

    – Jeg skulle besøke noen som bor der, men fikk ikke komme inn. Det har vært stengt for besøk en ukes tid, sier tipseren til Harstad Tidende fredag ettermiddag.

    Ifølge ordfører i Tjeldsund kommune, Robin Ridderseth, er det ikke en farlig situasjon.

    – Det minner mest omgangssyke, og er ikke et alvorlig utbrudd. Det er likevel innført besøksrestriksjoner, som oppheves i løpet av helgen, sier ordføreren til NRK.

  • Ođđasat - Davvisámegillii

    Vestre lea ođđa dearvvašvuođaministtar

    Stáhtaráđis gonagaslaš šloahtas odne lea stáhtaministtar, Jonas Gahr Støre, almmuhan iežas stáhtaráđđemolsašumiid.

    Jan Christian Vestre lea ođđa dearvvašvuođaministtar.

    Romsalaš Cecilie Myrseth lea nammaduvvon ealáhusministtarin ja Marianne Sivertsen Næss lea ođđa guolástusministtar.

    Marianne Sivertsen Næss lea Hámmerfeastta ovddeš sátnejođiheaddji ja dál son lea vuosttas háve nammaduvvon stáhtaráđđin.

    Ekstraordinært statsråd
    Foto: Stian Lysberg Solum / NTB
  • Ap-Sp-regjeringen

    Bekreftet: Vestre blir ny helseminister

    Jan Christian Vestre blir helseminister etter Ingvild Kjerkol. Cecilie Myrseth blir næringsminister, mens Marianne Sivertsen Næss blir fiskeriminister.

    Vestre (Ap) kommer fra jobben som næringsminister. Det blir Myrseth (Ap) fra Troms som overtar etter ham. Sivertsen Næss (Ap) fra Finnmark er et nytt fjes i regjeringen og kommer fra rollen som leder av energi- og miljøkomiteen på Stortinget.

    De tre ble presentert på Slottsplassen etter et ekstraordinært statsråd på slottet fredag.

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen