NRK Meny
Normal

Odne čálmmustahttet girjjiid

Cuoŋománus 23.beaivvi lea máilmmi girjebeaivi, ja odne leage justte fal dat beaivi.

bøker

Dá lea sámedikki girjerájus.

Foto: Kai Emil Berg / NRK SAPMI

Dán beaivvi lea UNESCO mearridan jo 1995:as ahte galgá leat máilbmi girjje beaivi. Beaivvi ulbmil lea addit beroštumi girjjiide ja movttiidahttit eambbosiid lohkát

Ávvudeapmi boahtá dolloš árbevierrus Catalonias Spánias. Gaskkamuttus 1400-logu lávejedje Catalonia olbmot ávvudit iežaset várjaleaddji Bassi Georg.

Dán áige lávejit girje vuovdit Catalonias addit ruvsu buohkaide geat ostet giriid.

Norggas leat girjegávppit, girjerádjosat, skuvlat ja searvit ávvudan dán beaivvi 1997:a rájes.

Dát beaivvi lea maid beaivvi goas Miguel de Cervantas Saavedras ja William Shakespeare jápmiba. Dát lea maid sivvan manne justa dát beaivi lea máilbme girjjálašvuođa beaivi.

Davvi Girji ávvuda beaivi hálbbes girjjiin

– Mii ávvudat beaivvi ja mii leat hálbbidan girjjiid min neahttasiiddus, nu ahte dál lea buorre vejolašvuohta oastit girjiid maid háliidat lohkat, dadjá Davvi Girjji girjjálašvuođa doaimmaheaddji, Máret Gutnel Sara.

Máret Gutnel Sara

Davvi Girjji girjjálašvuođa doaimmaheaddji, Máret Gutnel Sara.

Foto: Kai Emil Berg / NRK SAPMI

Dehálaš Sámi girjelágádusaide maid

Dát beaivi lea maid dehálaš sámi girjelágádusaide, go odne beassat čalmmustahttit girjjiid, lohká son.

– Dát beaivi lea dakkár beaivi goas mii sáhttit girjji bidjat guovddážii, lihká váikko mii leat girjelájus ja girjjit leat alo guovddážis, de dát lea erenomáš beaivi mii čáppagirjjálašvuođa dahká dovdosiin. Ja dat lea máilmmi birra, nu ahte dat lea hui erenomáš, muitala Sara.

Sihke Sáme ja Dárogiel girjjit

Sara lohká sis leat girjjit sihke sámi- ja dárogillii, muhto eanaš girjjit leat sámegilli.

– Mii leat maid jorgalan muhtin girjjiid dárogillii, vai buohkat besset lohkat daid. Lea maiddái nu ahte sámegiel girjjit dat leat eanemus bivnnut, dadjá son.

bøker

Dá lea muhtin daid girjin maid Davvi Girjji vuovdá.

Foto: Kai Emil Berg / NRK SAPMI

Eambo olbmuid oažžut giriid lohkat

Sara lohká ahte ieš girjelohkan ii leat njiedjan danin go sii leat ain bargamin ahte sis galget eambbo girjelohkit leat, danin go sámis lea ain dat boares vuohki ahte girjji lohkat lea joavdelas bargu. Sii leat vuos dainna bargamin ahte vaikko vel logat girjji, de it leat joavdilastimin.

Sámi girjelágádus lea ain dehálaš

Máret Gutnel Sara lohká ahte lea ain dehálaš Sámi girjelágádussii vaikko vel dárogiel lágádusat maid sáhttet almmuhit sámegielgirjiid, de adnojit sámegiel bargit geain lea áddejupmi girjjálašvuođas, kultuvras ja mat sáhttet divvut boasttuvuođaid.

Eai leat geargan rahkánit

Sámedikki girjerájus ii leat šaddan rahkánit dán beaivái, go sis lea leamaš čoahkkin Romssas, lohká Sámedikki girjeráju konsuleanta Kåre Balto.

Kåre Balto

Sámedikki girjeráju konsuleanta Kåre Balto dá sámedikki girjerádjosis.

Foto: Kai Emil Berg / NRK SAPMI

– Muhto mis lea rábas girjerájus juohke árgabeaivi ja olbmot sáhttet boahtit láigohit girjjiid nuvttá. Dát beaivi lea hui buorre go dát čalbmostastá girjjálašvuođa olles máilmmis ja girjerádjosa bárggu, lohká Balto.