Johkamohki márkaniid oktavuođas hástala Sámi Musihkkafestivála juigiid searvat dieidda oassegilvvuide, mas vuoitái fállet saji juoiganfinálii, mii lea Guovdageainnus beassášlávvardaga.
Lávvordaga, guovvamánu 7. beaivvi lágida Sámi Musihkkafestivála nuppi oassefinála juoiganoasis, vuosttaš oassegilvu lei jo skábmamánus mannan jagi Kárášjogas, gos vuosttaš oasseváldi lea fidnen saji Sámi Grand Prix gilvvuide.
- LOGA MAID:
Suomas vel
10 juoigi fidnejit saji Sámi Grand Prix finálii ja guhtta oasseváldi ges lávlunoassái, ja diehtu Sámi Musihkkafestiválas mannan vahkus lei, ahte artisttat eai leat dieđihišgoahtán doaluide.
Preassadieđáhusas, maid Sámi Musihkkafestivála lea sádden, čállet ahte oassegilvui Heahtás sávvet Suoma beale juigiid searvat ja Johkamohkkái Ruoŧa beale sámi juigiid, muhto čállet buohkain vejolašvuođa searvat.
Eai leat ođđa luođit
Dáidda oassegilvvuide eai searvva juoigit ođđa luđiiguin, muhto son gii vuoitá ferte Sámi Grand Prix finálas juoigat luođi mii ii leat almmolaččat ovdal gullon.
Heahtás lágiduvvo oassegilvu guovvamánu 13. beaivvi, čállá Sámi Musihkkafestivála.