Oallugat vásihit cielaheami ja vaši Fovsen-akšuvnnaid oktavuođas
Sihke Sámediggepresideantta, politihkkárat ja sii geat ledje mielde akšuvnnain vásihit fasttes kommentáraid ja goddináitagiid, earenoamážit sosiála mediain, maŋŋel go nuorra sápmelaččat álggahedje miellačájehemiid mannan vahkus Oslos.
– Dat muittuha mu ahte mun lean minoritehta. Olbmuide lea nu álki hupmat fasttit mu ja mu olbmáid birra.
Nu lohka nuorra sápmelaš Kátjá Rávdná Broch Einebakken, gii čájehii osiid miellačájehemiin iežas TikTokas.
