NRK Meny
Normal

Oaivvilda sámegiella ii leat šat nu oidnosis

Skániin Mátta-Romssas ii leat niedjan sámegielohppiid lohkku nu olu, maŋŋá go Vátnjavári skuvla heaittihuvvui.

Ann Ragnhild Broderstad

Váhnen Ann-Ragnhild Broderstad lohká gal vuohtit sámegiella ii nu oidnosis dál, go Vátnjavári skuvllas lei.

Foto: Eilif Aslaksen / NRK

Váhnen Ann-Ragnhild Broderstad lohká gal vuohtit sámegiella ii nu oidnosis dál, go Vátnjavári skuvllas lei.

Olu váhnemat balle oahppit eai joatkke sámegieloahpahusain

Vátnjavári skuvla Mátta-Romssas heaittihuvvui geassemánus 2012es. Olu váhnemat balle dalle ahte nu olu oahppit eai joatkke sámegieloahpahusain go álge Skánit SkuvlIi.

Dát lea sullii seamma dilli go dál lea Bissojogas ja Billávuonas Finnmárkkus.

Masá buot oahppit jotke

Gudmund Johnsen lea guhkká bargan sámegieloahpaheaddjin Skánit skuvllas.

Son lohká ahte masá buot oahppit geain ledje sámegiel oahpahus Vátnjavári skuvllas jotke sámegieloahpuin.

Ii sáhte buohtastahttit

Porsáŋggus Finnmárkkus lea dál gielddastivrra eanet lohkku mearridan heaittihit Bissojoga skuvlla ja Billávuona nuoraidskuvlaoahppit Levdnjii.

Dán ii sáhte njulgestaga buohtastahtti Skániin go dáppe eai leat nu guhkes gaskat báikkiid.

  • Guldal ášši: