Oahppamin buorebut čállit

Jåhkamåhkis deaivvadit girječálli-oahppit. Lilian Urheim lea maid oahppin Samernas författarskolas. Doppe áiggošii son háhkat alcces eanet gelbbolašvuođa girječállimii.

Illustrasjon
Foto: Anne Olli
Anne Olli
Journalist

Lilian Urheim ássá Norggas Finnsnesas, muhto son vuodjá Jåhkamåhkkái girječálin oahppu deaivvadeapmái, mii lágiduvvo Jåhkamåhkkis guokte beaivvi mánus.

Galleda fulkkiid seammás

Ii son loga leat váttisin finadit doppe, dannego seammás galleda son iežas fulkkiid Jåhkamåhkkis. Alddis lohká leat olu fulkkiid doppe.

Oahppogirječálli áiggošii earalagan girjjiid čállit

Lilian Urheim lea čállán oahppogirjjiid vuođđaskuvlla álgo luohkáide, muhto dál hálidivččii son čálligoahtit girjjiid maidda iežas jurdagiid sáhtašii čállit. Jurdda livččii čálligoahtit čáppagirjjálašvuođa girjjiid. Danne son lea girječállin oahpu váldimin.

(Teaksta joatká vuolábeal jietnefiilla)

Sámiid girječállinoahppu / Samernas författarskola

Dát oahppu lea prošeakta mii lea bisttán olles jagi 2014. Norrbottens leans landsting, Jokkmokk Strukturum ja Sparebanken Nord Jokkmokk, dat ruhtadit dán oahppu.

Gárvvistit girjemánusiid

Oahppoprošektii leat searvan ovcci oahppi, ja sii čállet čáppagirjjálašvuođa teavsttaid sámegillii.

Áigumuš prošeavttain lea gárvvistit guhta mánusa ovdalgo oahppu loahpahuvvo dál juovlamánus, ja dan sii gal nagadit, muitala Maria Vedin gii lea oahppu prošeaktajođiheadji girječállin oahppusa maid Samernas utbildningscentrum Jåhkamåhkis lágida.