Ellinor Skartland álggii skuvlii Stavangerii, ja dalle juo dahtui son oahppat sámegiela. Danne fertii skuvla lágidit sutnje sámegiel-oahpahusa interneahta bokte.
(Innslag på norsk nederst på siden)
Sámegiella buot deháleapmosis ášši sutnje
Ellinor muitala ahte su eatni jearai sus ahte makkár asttoáigefalaldahkii son háliidii álgit. Ja de árvalii ieš vel ahte son sáhtašii oahppat riidet heastta, muhto sus lei dušše okta sávaldat, namalassii oahppat sámegiela.
Dát leige Ellinora stuorimus sávaldat, ja dál lea son oahppan sámegiela.
Oahpahus Skypa badjel Sirpmás Stavangerii
De geavaige nu ahte Ellinor álggii skuvlii. Skuvllas fertejedje lágidit dili nu ahte son oaččui maiddái oahpahusa sámegielas. Dat mearkkašii dan ahte son oažžugođii oahpahusa sámegielas Sirpmáskuvllas. Ja dát doaimmaid nu ahte son čuovui dihtoršearpmas Skypa badjel oahpahusa maid Sirpmás lágidedje. Dasalassin lea son leamaš guosseoahppin Sirpmaskuvllas mannan giđa, ja dalle de luovvanii sus sámegiella, áinnat doppe hálle buohkat sámegiela.
Dál gulahallá áhkuin sámegillii telefovnnasge
Ellinor lea dál ilus, áinnat dál gulahallá son áhkuinnis sámegillii. Dát leage leamaš su stuorámus áigumuš, hállat sámegiela áhkuin ja máttaráhkuin.
Ii son áiggo dása bisánit, son áigu šaddat vel čeahpibun sámegielas. Son áigu ainnat oahppat doavttirin, ja dalle áigu bargat doavttirin sámi guovllus. Danne ferte son máhttit sámegiela áibbas bures, lohká nuorra nieida, Ellinor Skartland, Stavangeris.
