– Sámi allaskuvlla stivra lea ávžžuhan Sámi allaskuvlla jođiheddjiid árvvoštallat ásahit desentraliserejuvvon profešuvdnaoahpahusaid Oslo guovllus, duođašta Sámi Allaskuvlla rektor Jelena Porsanger.
Sámi allaskuvlla oahpuid guhkitáigge plánas gitta jagi guokteduhát oktagoalmmátlogát rádjai dat deattuhuvvo ahte sámi allaskuvlla berre guorahallat makkár vejolašvuohta livčče álggahit desentraliserejuvvon oahpahusaid Oslo guovllus.
– Allaskuvlla lea maid juo ožžon sihke Oslo gielddas ja sámi birrasiin Oslos sávaldagaid nannet oahpahusfálaldaga,čilge Porsanger.
Sámi allaskuvllas lea juo leamaš ovttasbargu sámi viesuin Oslos gos lea fállan sámegiela álgo oahpahus kurssaid. Ja Sámi allaskuvlla lea juo maid háleštan oahppofálaldagaid viđiideame birra máttás guvlui máhttodepartemeanttain.
– Lunddolaš ovttasbargo guoimmit Oslo guovllus lea Oslo universitehta , Oslo ja Akershus allaskuvlla, sámi viessu ja sámi searvvit Oslos čilge Porsanger. Allaskuvlla áigu maid sámi birrasiin Oslos gulaskuddat man ollugiin livčče dáhttu álgit alit ohppui maid sámi allaskuvlla áiggošii álggahit Oslos.
- Guldal ášši: