NRK Meny

Ožžot dieđu hárjehallamii hárrái

Norgga trolafitnodagat oaivvildit Ruošša Nordflåta gidde muitalkeahttá Barentsábi go áigot doallat soahteveahka hárjehallama doppe. Murmánskka guolásteaddjit ges lohket ahte sii ožžot dieđu vahkku ovdal hárjehallamii. Várggáid johtolatguovddáža Ståle Sveinungsen lohká leat dieđihuvvon máŋga hárjehallama sihke Norgga ja Ruošša beale, dan áigodagas goas trolafitnodagat oaivvildit ahte eai leat boahtán dieđut dan birra.