Ožžon eret lobihis táksi vuodjima

Táksi vuoddjit Bådådjos leat guhka ráhččán go leat šaddan gilvalit lobihis táksi vuddjiiguin. Muhto maŋŋel go Sálttu politiijat leat bargagoahtán bissehit lobihis vuoddjiimiid, de leat lobihis táksi vuoddjin olu unnon. Go politiijat eambbo bearráigehččet luottaid, ja leat eambbo oidnosis de lea dat buktán buriid bohtosiid.
Dál oačču Sálttu politiijat rámi táksiealáhusas.