Ožžo nuvttá bileahtaid
Maŋemus njeallje jagi leat sullii 7500 geahčči leamaš Beaivváš Sámi Nationálateáhteris. 12 proseantta dain gehččiin leat ožžon nuvttá bileahtaid, nu čájeha statistihkka. – Dađibahábut eai leat mis dieđut, geat nuvttá bileahtaid leat ožžon. Muhto dábálaččat leat earet eará teáhterbargiid, neavttárat, guossedesignerat, preassa, Hedda-jury, skuvlaoahppit, earenoamáš guossit ja teáhterhoavdateáhterhoavda geat ožžot daid bileahtaid, lohka teáhtera diehtojuohkinhoavda Brita Triumf.