Hopp til innhold

Ođđamállet luossabiebmanrusttegat

Fitnodat mas lea Norgga ja Skottlándda duogáš lea dál fuomášan ođđa ja gánnáhahtti vuogi luossabiebmamii. Dáinna lágiin soitet luossabiebmanrusttegat Norgga mearragáttiin gártat badjelmearálažžan, dán čállá Klassekampen. Niri searvi lea álggahan máilmmi stuorimus luossabiebmanrusttega gáttis. Otná luossabiebmorusttegiin bártidit luossadihkiiguin. Nofima seniordutki Bendik Fyhn Terjesen dutká čihkosis ja oaivvilda ahte dán vuogi sáhttá váldit atnui 5-10 jagi geahčen.

Korte nyheter

  • En person til sykehus etter trafikkulykke

    En person blir flydd til sykehus med helikopter etter trafikkulykken på E6 ved Indre Kjerringdal i Langfjorden i Alta, ifølge politiet i Finnmark på Twitter. Trafikken på veien dirigeres i påvente av bilberging.

  • Njulgen boastut čállojuvvon šilttaid

    Dál lea Stáhta geaidnodoaimmat divvon dáid boastut čállojuvvon šilttaid Evenáššis, Nordlánddas. Šilttat leat čužžon masa vihta jagi. Várdobáikki sámi guovddáža báikenammalávdegoddi lea máŋgii cuiggodan dán ja dáhttun divvut dáid. Lávdegotte-jođiheaddji Gudmund Johnsen lea duhtavaš.

    – Dat orru hui vuogas, viimmat leat guldalan min. Dát lea leamaš lossa proseassa, go bohtet boastut čállojuvvon namat, seammás go báikenammalávdegoddi geahččala oažžut dáid riekta čállojuvvon, dadjá Johnsen.

    Lidaláddi / Liland
    Foto: Mathis Eira / NRK
  • Badjel 14 miljon ruvnnu oahpponeavvuide

    Sámediggi juolluda 14.366.000 ruvnnu ođđa oahpponeavvuide, čállá Sámediggi preassadieđáhusas.

    Dál buvttadišgohtet oahpponeavvuid lullisámegiel fágas 1. - 4. ceahkkái, julevsámegiel nubbingiellan vuođđooahpahussii ja davvisámegiella nubbingiellan joatkkaskuvladásis, čállá Sámediggi.

    – Lea dehálaš buvttadit oahpponeavvuid buot golmma sámegillii, dárbu ođasmahtton ja áigeguovdilis oahpponeavvuide lea stuoris. Lean duhtavaš go vuoruhuvvojit oahpponeavvut sihke vuosttaš- ja nuppegielagiidda, dadjá sámediggeráđđi Mikkel Eskil Mikkelsen.

    Sametingsråd Mikkel Eskil Mikkelsen (NSR).
    Foto: Vaino Rensberg / Sametinget