NRK Meny
Normal

Ođđa sámi spábbačiekčanlihttu

Staares lágiduvvo geasset riikkaidgaskasaš spábbačiekčangilvu guovlluide, mat eai beasa riikkaidgaskasaš spábbačiekčanlihttui FIFAi.

Per-Anders Blind
Foto: Privat

Conifa spábbačiekčanlihttu, aitto ásahuvvon spábbačiekčanlihttu guovlluide, mat eai beasa FIFAi mielde, dat lágida dieid čiekčamiid, ja sápmelaš Per Anders Blind lea lihttu vuosttaš presideanta.


– Leat hui stuorra vuordámušat dáidda čiekčamiidda Staares ja maid lihtu ovdáneapmái, lohká Blind SR Sámi Radioi.

Dommer Per-Anders Blind

Per-Anders Blind lea ollu dupmen N.F-Board Viva World Cup čiekčamiin.

Foto: Privat

Conifa ásahuvvui virggálaččat mannan geasi ja lihtus lea dal guhtta miellahttu, Davvi-Kipros, Kurdistan, Quebeq, Darfur, Tamil Elam ja Occitania.

Sámi spábbačiekčanlihttus lea heajos ruhtadilli

Sávvet Sámis maid lihtu mielde

Sihke Conifa presideanta Per Anders Blind ja maid Sámi spábbačiekčanlihttu ovddeš várrepresideanta Håkan Kuorak jáhkkiba Sámis vejolaš ásahit doaibmi spábbačiekčanlihtu, go oaidniba ahte sámi spábbačiekčanlihtus ii šat leat makkárge doaibma.

– Suinna leat ollugat váldán oktavuođa ja jearran lea go vejolaš ásahit ođđa spábbačiekčanlihttu Sápmái, go dálá ii doaimma, ja dat lea juoga mainna son bargagoahtá, lohká Kuorak NRK Sápmái.

Kuorak lea leamaš Sámi spábbačiekčanlihtu várrepresideanta ja maid N.F-Board stivrralahttu dan rájes go ásahuvvui, muhto geassádii doppe.