NRK Meny
Normal

Ođđa oahppu addá sillui ráfi

Ođđa doaimmat geasuhit, danne návddaša Sámedikki ovddeš várrepresideanta Ragnhild Nystad ođđa oahppu, maid dál váldá Kárášjoga Daiddaskuvllas.

Ragnhld Nystad dáidda

Dáiddaskuvllas lea Ragnhild Nystad dál geahččaleamen rahkadit báccii mii galggašii sulastahttit su iežas.

Foto: Anne Olli

( Vuollelis dán siiddus sáhtat gullat ášši Ragnhild Nystadain)

Son lea beroštan sámiid áššiin nuorravuođa rájes, ja seamma guhká lea son maid beroštan dáidagiin ja dáiddabargguin. Ii son leat gal hápmen dáidagiid, lea dušše dolkadahtti guhkes poletihkkalaš čoahkkimiin sárgon golmmačiegadiid áigegollun. Muhto dál, dál illuda ja návddaša ođđa oahppu Kárášjoga Dáiddaskuvllas.

Oahppu addá sielu ráfi

Ragnhild Nystad lea ráhkadeamen oaivvis, muhto ii leat easka go álggus dán barggus

Ragnhild Nystad lea ráhkadeamen oaivvis, muhto ii leat easka go álggus dán barggus

Foto: Anne Olli

Ragnhild Nystad muitala iežas dál duođai návddašit oahppu, ja dáidagiidda beassá bidjat buot iežas jurdagiid. Dáiddá son bidjá buot maid eallimis lea vásihan, ležžet dal lean buorit dahje bahát. Olmmoš han gal eallimis vásiha váikke maid.

Dál go son oahppá mo galgá sárgut govaid, ja mo hápmet bácciid, de bidjá son dáidda buot iežas vásáhusaid. Ja go sárgu, njuohtá dahje hápme bácci, de dovdá ahte bargu addá sillui ráfi.

Nystad lea olu poletihkken

Ragnhild Nystad lea riegádan 1946, lea nuorran oahppan buohccedivššárin, ja lea bargan buohcceviesuin čuohpadusossodagain anestesi-buohccedivššárin. Son válljejuvvui NSR ovddas Sámediggái 1993s

1997 rájes 2005 lei son várrepresideantan NSRa ovddas Sámedikkis. Ja lea maid leamaš NSR jođiheaddji guhtta jagi. Son lea maid leamaš 11 jagi miellahttun Sámeráđis.

Dál návddaša son eallima oahppin Kárášjoga Dáiddaskuvllas.

Ragnhild Nystad dáidda

Ragnhild Nystad njuohtá jurdagiiddis báhpirii. Dá lea govva mii čájeha juoga maid son lea vásihan

Foto: Anne Olli