NRK Meny
Normal

Otne válljegohtet nama ođđa áviisii

Dan ođđa sámi beaiveáviisii leat máŋga čuođi nammaárvalusa boahtán. – Mii diđiimet ahte ruhtavuoitu lasiha beroštumi, lohká áviissa váldodoaimmaheaddji, Ante Bals.

Ođđa namma beaiveáviisii
Foto: Piera Balto / NRK

Muhto mii eat lean gal vuordán ahte ná ollugat servet dán givlui, lohká Bals.

Beaiveáviisa galggašii ilbmagoahtit sámi álbmotbeaivvi,  ja juris ii šatta álkkes bargu dáid ollu árvalusaid gaskkas válljegoahtit.   

  GULDAL: Sámi beaiveáviisa

Gilvu álggii čakčat

Nammagilvi dan ođđa sámi beaiveavisii álmmuhuvvui vuosttaš gearddi čakčat. Maŋimuš beaivi sáddet evttohusa lei gaskkamutto skábmamánu.

– Olu badjel čuođi evttoheaddji leat sádden máŋga čuođi buori nammaevttohusa, lohká Bals. Son lea beassan oaidnit oasi evttohusain.

Namma čielgá dán mánus

Otne de čoahkkana nammajuri válljet daid buoremus namaid. Juris čohkkájit guovttis Min Áiggis ja guovttis Ášus. Juri de geige iežas árvalusa stivrii mii loahpalaččat mearreda áviisa nama.

Doaivaga mielde de almmuhuvvo dat ođđa namma juo dán mánus, jáhká váldodoaimmaheaddji Bals.