Áilloš lea dál konseartamátkis Sámis, eanemusat gullat musihka su ođđa cd:s maid son beassáš basiid almmuhii. Ođđa cd:s lea sus áibba earralagan musihkka go maid son ovdal lea ilbmadan, dalle 70-logus go Ivnniiguin musihkka ilmmai skerrui.
Áilloš lea su namma
Áilloš lea su namma dál, son dolkkái vástideames telefovnnaid mas olbmot navde su lean áibba eará olmmožin. Leat ainnat nu ollugat geain lea namma Áilu Gaup. Danne lea su namma dál Áilloš. Ja dát namma lea dál su ođđa cd:s.
Ilus go buriid musihkkariin lea konseartamátkis
Áilloš muitala konseartamátki leat leamaš mávssolažžan ja navdá das alcces leat buori ávkin. Čuojaheaddjiid lohká leat erenoamaš čeahppin, danne lea somá singuin leat konseartamátkis.