NRK Meny

Ođđa skearruin movtidahttiba lávlumii

Kárášjohkalaš Marie Kemi (54) ja ungárlaš Ole Kemèny (56) leaba áiddobáliid almmuhan ođđa mánáidskearru. Sutnos leat stuorra áigomušat: - Hálidvččiime ahte mánát movtidahttot lávlut, čilgeba soai.

Marie Kemi ja Ole Kemèny skearru "Olgun ja siste"
Foto: Per Chr Biti

Artikkelen er flere år gammel.

"Olgun ja siste" skearrus leat logi lávlaga. Guhtta lávlaga lea Marie Kemi čállán ja njeallje lávlaga lea Ole Kemèny čállán. Marie Kemi lohká, ahte sutnuide lea oppa áigge leamaš dehálaš čállit teavsttaid mat mánáide heivešedje bures.

Feara mii

Lávlagat leat feara mange birra, ealu ja jagiáiggiid rájes gitta táŋgoi ja das mo lea go olgguštuvvo. Musihkas vuhtto sihke rock, blues, jazz, luohti ja klassihkalaš musihkka.

- Mun lean ieš bargan oahpaheaddjin dáppe Sámis. Ja dalle lean dávjá lávlon ovttas mánáiguin, čilge Marie Kemi. Son lea Kárášjogas bajásšaddan, muhto ássá dál ovttas isidiinnis Thaieatnamis.

Ungárlaš lávlu

Kemèny lea Ungáras eret ja son lea náitalan kárášjoga nissonolbmuin. Kemèny lohká maid iežas geahččalan oahppat sámegiela. - Ja go vuos ledjen oahppan moadde sáni, de mun nu viimmáskin, ahte ráhkadin tangolávlaga mas geavahi¨n dan moadde sámegielsáni maid ledjen oahppan, čilge Kemèny.

Kemèny lea dađistaga oahppan eambbo, ja su mielas lea hirbmat suohtas čállit lávllateavsttaid sámegillii, erenoamážit go diehtá ahte son eamidis álu oažžu olu veahki.

Kemèny mielas lea hirbmat suohtas Marie Kemiin bargat ovttas.

Gula Kemi ja Kemèny jearahallama