NRK Meny
Normal

Ođđa mánáid CD

Kikki Aikio lea ráhkadan ođđa mánáid CDa. Dás son lávlu máŋggalágan lávlagiid, maiddái buozalmasvuođa birra.

Kikki Aikio

Kikki Aikio

Foto: Janne Aateigen/NRK / NRK

Kikki Aikio lea tromsalaš, gii dál lea almmuhan mánáid-CDa. Dán CD namma lea "Binna Banna".

Iešguđetge lagan šuokŋat

Dán CDs leat máŋggalágan šuoŋat, son juoigá maid, ja teavsstain stohká son olu. Lávlu skuvllavážžimis ja maiddái buožalmasvuođas.

"Binna banna" iešalddis juo muitala ahte lea sáhka juogas mii lea hui smávis, das sáhttá leat sáhka mánáin, elliin ja vel siepmaniinge.

Olmmoš rievdá áiggi mielde

Kikki Aikio muitala olbmuid dađistaga rávásmuvvat, ja de gal dego šaddat eanet várrugasa,eai šat sáhte leat nu rahpasat ja hutkái, baicce dego čiehkádišgohtet.

Lávlu maid buozalmasvuođas

Kikki Aikio lávlu maid buozalmasvuođas. Iežas muitala imaštallat manne boarrasat olbmot hállet nu olu buozalmasvuođas. Eai varra dainna gal šatta dearvaseabbon.