Ná oaivvildit bissehit dálkkádatrievdademiid

Vaikko vávjit jo dálkkádatrievdadusaid, de lea ain vejolaš daid bissehit, cealká ON:a dálkkádatpanela.

Dálkkádatpanelas oaivvildit iešguđet doaibmabijuin sáhttit olahit Paris-šiehtadusa mihtuid. Muhtin dáin leat ruoná energiija, vuovdegilvimin ja borrandábiid bokte.

ON:a dálkkádatraporttas mii almmuhuvvui odne boahtá ovdán ahte dálkkádatroassu váikkuha sihke olbmuide ja ekovuogádagaide.

CO₂-luoitin ferte geahpeduvvot gaskkal 30 ja 55 proseanttaiguin jos galgá rievdadusaid bissehit ja olahit Paris-šiehtadusa mihtuid.

ON:a dálkkádatpanela jođiheaddji (IPCC), Hoesung Lee, dadjá ahte raportta bokte váruhit olbmuid, muhto buktet maiddái doaivaga.

Les på norsk.

Vuosttaš kveana girječálli romána almmuhuvvon

Kveanabeaivvi, mii ávvuduvvo njukčamánu 16.beaivvi, almmuhii Iđut-lágádus kveana romána «Johannes».

Alf Nilsen-Børsskog (1928-2014) Bissojogas eret, Finnmárkkus, lea čállan romána.

Son leage vuosttaš girječálli gii čálii kveanagillii. Vaikko kveana ii dohkkehuvvon giellan ovdal cuoŋumánu 2005, jagi maŋŋel go čálligođii románaid, de dattetge čálii iežas eatnigillii, kveanagillii.

Ođđa rapporta dálkkádatrievdadusaid birra

Odne almmuha ON:a dálkkádatpanela (IPCC) rapporta mii čilge ođđaseamos dieđuid dálkkádatrievdadusaid birra.

ON:a generálačálli António Guterres gohčoda rapporta bagadussan dasa mo olmmošsohka galgá birget.

Rapporta almmuheami oktavuođas lágida Birasdirektoráhtta panelaságastallan gos sámediggeráđđi Maja Kristine Jåma (NSR) oassálastá earret earát. Ságastallama sáhtát čuovvut Birasdirektoráhta neahttasiiddus dii.15:00 rájes.

Les på norsk.