Ođđa láhka lahka geargga

Sámediggepresideanta Aili Keskitalo doaivu ahte giđa mielde gárvanivččii ođđa konsulteren- dahje ságaskuššanláhka Sámedikki ja ráđđehusa gaskii. Láhka nanne ahte stáhta ferte rávvagiid jearrat Sámedikkis, gielddain ja fylkkagielddain dakkár áššiin mat gusket sámiide. Konsultašuvdnaláhka lea oassi Sámi vuoigatvuođa lávdegotti árvalusas mii bođii 11 jagi dás ovdal, man Stuorradiggi ii leat vel gieđahallan.