NRK Meny

Ođđa kulturmuittuid gávdnan

Sámediggi lea gávdnan ollu ođđa sámi kulturmuittuid Báhccavuona ja Hámmárfeastta gaskka. Statnett plánaid oktavuođas ahte hukset ođđa el-rávdnjejođđasa Báhccavuonas Hámmárfestii, de lea Sámediggi registrerehan kulturmuittuid dain guovlluin, gosa huksen guoská. Sámediggi lea registreren badjel 1000 ođđa kulturmuittu ollu guovlluin ja maiddái dakkár guovlluin, mat ovdal eai lean nu oahppásat kulturmuittuid oktavuođas, ja leat gávdnan hui ollu kulturbázahusaid ja mearkkaid.