NRK Meny

Ođđa ja amas jienat Sápmái

Olgoriikka rumbbut ja eará čuojanasat leat áigá juo boahtán Sápmái. Čuojaheaddji guovttos Roger Ludvigsen ja Kenneth Ekornes liikoba ođđa jienaid bidjat sámi musihkkii.

Roger Ludvigsen ja Kenneth Ekornes
Foto: Wenche Marie Hætta / NRK

Artikkelen er flere år gammel.

Roger ja Kenneth ođđa ja amas jienaid birra

Roger Ludvigsen čuojaha world-stick
Foto: Wenche Marie Hætta / NRK

Roger Ludvigsen álggii nuorran čuojahit Ivnniguin joavkkus, muhto lea daid maŋemus jagiid bargan earret eará Mari Boiniin. Ludvigsen čuojaha ollu iešguđetlágan čuojanasaiguin, muhto dávjjimusat dakkáriiguin main leat streaŋggat.

Roger Ludvigsen lea juste dáid beivviid čuojaheaddji Áillohačča teáhterbihtás "Ridn'oaivi ja nieguid oaidni". Dán bihttái lea válljen čuojanasa man gohčoda World-stick, dahje máilmmi-soabbi. Namma boahtá das go dákkáraš čuojanasat gávdnojit miehtá máilmmi, čilge Ludvigsen. Dása atná son vel seammalágan dávggi go dan maid atná fidjol-čuojaheapmái.

Gula world-stick jiena dás:

Roger Ludvigsen čuojaha

Kenneth Ekornes iežas čuojanasaiguin
Foto: Wenche Marie Hætta / NRK

Kenneth Ekornes lea eret Sykkylvenis Møre ja Romsdal filkkas, muhto lea guhká juo bargan sámi musihkkamáilmmis. Son lea čuojahan ovttas Iŋgor Ántte Áilluin, Inga Juusoin ja Mari Boiniin.

Ekornes muitala iežas jearahit man birra luođit ja lávlagat leat, ja de geahččala gávdnat čuojanasaid mat heivejit earenoamáš bures juste daid luđiide dahje lávlagiidda. Earret eará leat sus goikaduvvon beaivelottáža moniid olggožat, mat ráhkadit jiena mii muittuha čázi golgama.

Čuojanasat
Foto: Wenche Marie Hætta / NRK

Gula dáid čuojanasaid jiena dás;

Kenneth Ekornes skillán-čuojanasat